سعودی عرب: قومی دن کی فوجی پریڈ میں تاریخ میں پہلی بار خواتین کی شرکت

سعودی عرب کی تاریخ میں پہلی بار خاتون فوجیوں نے سعودی قومی دن پر منعقد ہونے والی پریڈ میں شرکت کی۔

باغی ٹی وی : "العربیہ” کے مطابق مختلف فوجی عہدوں پر معمور سعودی خواتین نے 91 ویں قومی دن کی مناسبت سے منعقد کی جانے والی دفاعی پریڈ میں بھرپور شرکت کی سعودی عرب کی دفاعی قوت کی مظہر اس پریڈ کو سعودی عرب کی جنرل انٹرٹینمٹ اتھارٹی اور وزارت دفاع کے تعاون سے دارالحکومت ریاض میں منعقد کیا گیا تھا۔ اسی طرح کی ایک اور فوجی پریڈ جدہ میں بھی منعقد کی گئی تھی۔

پریڈ میں سیکڑوں سعودی شہریوں نے بھرپور شرکت کرتے ہوئے فوجیوں کا حوصلہ بڑھایا۔ سعودی قومی دن ہر سال 23 ستمبر کو منایا جاتا ہے۔ اس دن 1932 میں شاہ عبدالعزیز ابن سعود کے شاہی حکم نامے پر نجد اور حجاز کی مملکت کا نام بدل کر مملکت سعودی عرب رکھ دیا گیا تھا۔

سعودی عرب کا پاکستانی طلباوطالبات کے لیے اسکالرشپ کا اعلان

سعودی انٹرٹینمنٹ اتھارٹی نے 23 سے 25 ستمبر تک شہریوں کے لئے مختلف سرگرمیوں کا انعقاد کیا ہے تاکہ قومی دن کو یادگار بنایا جاسکے۔

یاد رہے کہ رواں سال سعودی وزارت دفاع نے اعلان کیا تھا کہ سعودی خواتین فوج میں بھرتی کے پورٹل کے ذریعے سے سعودی فوج میں شمولیت کی درخواست دے سکتی ہیں یہ فیصلہ شاہ سلمان اور ولی عہد محمد بن سلمان کے وژن 2030 انیشی ایٹو کا حصہ ہے جس کے تحت مختلف شعبہ جات میں خواتین کے کردار کو مزید بڑھایا جا رہا ہے۔

خواتین کو اجازت دے دی گئی ہے کہ وہ سعودی بری فوج، شاہی ائیر فورس، شاہی بحری فوج، شاہی سٹریٹیجک میزائل فورس اور آرمڈ میڈیکل فورسز میں بھرتی ہو سکیں گی سعودی خواتین کو فوجی، لانس کارپورل، کارپورل، سارجنٹ اور اسٹاف سارجنٹ کے عہدوں پر بھی بھرتی کیا گیا ہے۔

پاکستان کا سعودی وزیر خارجہ کی مسئلہ کشمیر کے حل کے لیے ثالثی کی پیشکش کا خیر…