آفیشل سیکرٹ ایکٹ کے تحت درج سائفر کیس ،سابق وزیر خارجہ شاہ محمود قریشی نے جسمانی ریمانڈ کے خلاف اسلام آباد ہائی کورٹ سے رجوع کرلیا
شاہ محمود قریشی نے جسمانی ریمانڈ کے تین آرڈرز کو اسلام آباد ہائی کورٹ میں چیلنج کر دیا ، اسلام آباد ہائیکورٹ میں شاہ محمود قریشی کی جانب سے دائر درخواست میں کہا گیا کہ 20 ، 21 اور 25 اگست کو مجسٹریٹ کی جانب سے جسمانی ریمانڈ منظور کرنے کے آرڈر غیر قانونی ہیں، شاہ محمود قریشی کو جسمانی ریمانڈ پر ایف آئی اے کے حوالے کرنے کے احکامات کاالعدم قرار دیے جائیں، جسمانی ریمانڈ ختم کر کے جوڈیشل ریمانڈ پر بھیجا جائے ،
اسلام آباد ہائیکورٹ میں دائر درخواست میں شاہ محمود قریشی نے موقف اپنایا کہ آفیشل سیکرٹ ایکٹ کے تحت سائفر کا جھوٹا اور غلط مقدمہ بنایا گیا، وفاقی حکومت اور سیکرٹری داخلہ کی ملی بھگت سے بدنیتی پر مبنی مقدمہ درج کیا گیا ،سیاسی مخالفت پر انتقام کا نشانہ بنانے کے لیے میرے خلاف مقدمہ درج کیا گیا ، ایف آئی اے کے سامنے شامل تفتیش ہوا ، ایف آئی اے کو بتایا کہ سائفر ٹیلی گرام نہ اپنے پاس رکھا اور نہ ہی اس کا متن کسی غیر مجاز شخص کو بتایا ،جج نے اس بات پر غور نہیں کیا کہ ایف آئی آر میں سائفر میرے پاس ہونے کا الزام نہیں ہے، ایف آئی آر میں سائفر کسی اور کے پاس ہونے کا الزام لگایا گیا ہے،بطور وزیر خارجہ فرائض کی ادائیگی کرتے ہوئے قانون کے مطابق وزیراعظم پاکستان کو پیغام پہنچایا تھا، ریکارڈ سے ثابت ہوتا ہے سائفر وزارت خارجہ کے پاس موجود ہے ،ان تمام حقائق کے باوجود ایف آئی اے نے مجھے گرفتار کیا تین بار جسمانی ریمانڈ حاصل کر چکی ، پراسیکویشن کوئی بھی ثبوت سامنے لانے میں ناکام رہی اس کے باوجود ٹرائل کورٹ نے جسمانی ریمانڈ دیا ، درخواست میں وفاق اور سیکرٹری داخلہ کو فریق بنایا گیا ہے
واضح رہے کہ شاہ محمود قریشی کو 19 اگست کو ایف آئی اے نے سائفر کیس میں اسلام آباد سے گرفتار کیا تھا، اور انہیں گرفتاری کے بعد ایف آئی اے ہیڈکوارٹر منتقل کیا گیا تھا،
خیال رہے کہ آفیشل سیکرٹ ایکٹ کے تحت ملک بھر کے لیے اسلام آباد میں خصوصی عدالت قائم کر دی گئی ہے، آفیشل سیکرٹ ایکٹ عدالت کا اضافی چارج انسداد دہشتگردی عدالت کے جج کو سونپ دیا گیا ہے،قانون کے مطابق آفیشل سیکرٹ ایکٹ کے تحت درج مقدمات کی سماعت ان کیمرا ہو گی۔
عمران خان کو سائفرگمشدگی کیس میں بھی گرفتار کرلیا گیا۔
گدی نشینی کا تنازعہ شدت اختیار کر گیا
ضمانت ملی تو ملک کے بعد مذہب بھی بدل لیا،
سیما کو واپس نہ بھیجا تو ممبئی طرز کے حملے ہونگے،کال کے بعد ہائی الرٹ
سیما حیدر کے بھارت میں گرفتاری کے ایک بار امکانات
پب جی پارٹنر ، سیما اور سچن ایک بار پھر جدا ہوا گئے
صدر مملکت نے چیف الیکشن کمشنر کو ملاقات کی دعوت دے دی ،
