’گولڈ میڈل کے بعد پاکستان کا قومی ترانہ بجتا ہے تو مزہ دوبالا ہوجاتا ہے‘سعدی نے دل کی بات عیاں‌کردی

نیپال:’گولڈ میڈل کے بعد پاکستان کا قومی ترانہ بجتا ہے تو مزہ دوبالا ہوجاتا ہے‘سعدی نے دل کی بات عیاں‌کردی،اطلاعات کے مطابق پاکستان کے ٹاپ کراٹے پلیئر سعدی عباس کا کہنا ہے کہ گولڈ میڈل جیتنے کی خوشی میں اس وقت اور اضافہ ہوجاتا ہے جب میڈل لینے کے بعد پاکستان کا قومی ترانہ بجایا جاتا ہے۔

قوم کے لیے اچھی خبر!پانچ ماہ میں کرنٹ اکاونٹ خسارے میں نمایاں کمی ہوئی، مشیرخزانہ…

سعدی عباس نے نیپال میں جاری ساؤتھ ایشین گیمز میں کراٹے کے مقابلوں میں گولڈ میڈل حاصل کیا، یہ سعدی کے کیریئر کا 16 واں انٹرنیشنل گولڈ میڈل تھا جس میں دو مرتبہ کامن ویلتھ چیمپئن شپ، ایک ایشین کراٹے چیمپئن شپ، دو ساؤتھ ایشین گیمز اور چار مرتبہ ساؤتھ ایشین چیمپئن شپ کے گولڈ میڈلز شامل ہیں۔سعدی عباس نے کامیابی کے بعد جیو کو اپنے انٹرویو میں کہا کہ ان کی نظریں اولمپکس پر مرکوز ہیں اور خواہش ہے کہ وہ ٹوکیو اولمپکس میں پاکستان کا پرچم سربلند کریں۔

برطانوی شاہی جوڑے کے ہاں ایک نہیں جڑواں بچوں کی پیدائش،شاہی محل میں خوشیوں کا سماں

سعدی عباس نے کہا کہ ’میری خواہش ہے کہ میں اولمپکس میں بھی پاکستان کا پرچم سربلند کروں، ٹوکیو میں بھی پاکستان کا قومی ترانہ بجے‘انہوں نے مزید کہا کہ ’جب گولڈ میڈل جیتنے کے بعد پاکستان کا قومی ترانہ بجتا ہے تو بہت اچھا لگتا ہے، کامن ویلتھ چیمپئن شپ کے بعد اب ایک بار پھر یہ خوشی ساؤتھ ایشین گیمز میں ملی جس پر میں بے حد خوش ہوں‘۔سعدی کا کہنا تھا کہ وہ اولمپکس کیلئے پر امید ہیں اور اپنی جانب سے بھرپور تیاریاں کررہے ہیں لیکن انہیں حکومتی سرپرستی کی بھی ضرورت ہے۔

معروف مصنف ،سنیئرصحافی محمود شام کی کشمیر کے موضوع پر کتاب ’سلگتے چنار’ کی تقریب…

سعدی کی اولمپکس کوالیفائنگ رینکنگ 23 ویں ہے، انہیں کوالیفائی کرنے کیلئے ٹاپ 4 میں جگہ بنانی ہے اور مئی تک مزید پانچ رینکنگ ٹورنامنٹس کھیلنے ہیں جس کے بعد ڈائریکٹ کوالیفائنگ راؤنڈ بھی ہے۔پاکستان کے ٹاپ کراٹے پلیئر نے کہا کہ انہیں کوچ اور باضابطہ ٹریننگ پروگرام کی ضرورت ہے جو حکومتی تعاون سے ہی یقینی ہوسکتا ہے۔ دنیا 4 سال پہلے اولمپکس کی تیاریاں شروع کردیتی ہے اور یہاں چھ روز پہلے کیمپ لگانے کا خیال آتا ہے، اگر اسپورٹس کو بہتر کرنا ہے تو کھلاڑیوں پر توجہ دینا بھی ضروری ہے۔

معروف مصنف ،سنیئرصحافی محمود شام کی کشمیر کے موضوع پر کتاب ’سلگتے چنار’ کی تقریب…