صبا قمر کی یو ٹیوب پر بڑی کامیابی

پاکستان شوبز انڈسٹری کی معروف اور نامور اداکارہ صبا قمر یوٹیوب پر بھی کامیابی کے جھنڈے گاڑ دیئے ہیں-

باغی ٹی وی :پاکستان شوبز انڈسٹری کی معروف اور نامور اداکارہ صبا قمر یوٹیوب پر بھی کامیابی کے جھنڈے گاڑ دیئے ہیں- معروف اداکارہ صبا قمر کے یوٹیوب چینل کو صرف ایک مہینے میں ایک لاکھ سے زائد صارفین نے سبسکرائب کرلیا ہے جس کے بعد صبا قمر کے یوٹیوب چینل پر اس وقت ایک لاکھ 42 ہزار سبسکرائبرز ہوگئے ہیں اور جبکہ اُنہوں نے اپنے یوٹیوب چینل پر صرف تین اقساط ہی اپ لوڈ کی ہیں۔

اداکارہ نے اپنے یوٹیوب چینل کا آغاز رواں سال 21 اپریل کو کیا تھا، اُن کی پہلی قسط کا عنوان ’آئسولیشن بائے صبا قمر‘ تھا جو کہ اداکارہ نے خود ہی لکھا تھا۔اور اُن کی اس ویڈیو پر 5 لاکھ سے زائد صارفین نے دیکھا تھا۔

صبا قمر نے اپنے یوٹیوب چینل کی دوسری قسط ’دی چائے شوفیچرنگ صبا قمر ‘ کے عنوان سے اپ لوڈ کی تھی جس میں اُنہوں نے ایک مزاحیہ شو پیش کیا اور اُن کی اس ویڈیو کو 4 لاکھ سے زائد صارفین نے دیکھا تھا۔

صبا قمر نے اپنے یوٹیوب چینل پر تیسری قسط ’چسکا نیوز وِد صبا قمر اینڈ شاہ ویر جعفری‘ کے نام سے جاری کی جس میں اُنہوں مزاحیہ انداز میں اُن تمام خبروں کا تذکرہ کیا جو گزشتہ دنوں سے ٹرینڈنگ پر تھیں۔

اداکارہ کے یوٹیوب چینل کی تیسری قسط پر بھی 4 لاکھ سے زائد صارفین نے دیکھا تھا۔
https://www.instagram.com/p/CBYCdN_Bu_B/?igshid=omeivs7qyu3a
یوٹیوب چینل پر ملنے والی کامیابی پر خوشی کا اظہار صبا قمر نے اپنی ایک انسٹاگرام پوسٹ میں بھی کیا جس میں اُنہوں اُس کیک کی تصویر پوسٹ کی جو اُن کے یوٹیوب چینل پر ایک لاکھ سے زائد سبسکرائبرز ہونے پر تیار کیا گیاتھا-

ہماری قوم نے ارطغرل سیریز سے محض ’ارطغرل پاپڑ‘ ارطغرل نسوار‘ ارطغرل سروس اسٹیشن جیسےنام رکھنا ہی سیکھے ہیں صبا قمر

پیار غیر مشروط ہونا چاہیے، اس میں لین دین کے معاملات نہیں ہونے چاہیئں صبا قمر