صداقت علی عباسی پنجاب میں ٹورازم کے لیے سرگرم : مری،کوٹلی ستیاں،اورکہوٹہ کوملانے والی ٹورازم ہائی وے پربریفنگ

لاہور:صداقت علی عباسی پنجاب میں ٹورازم کے لیے سرگرم : مری،کوٹلی ستیاں،اورکہوٹہ کوملانے والی ٹورازم ہائی وے پربریفنگ ،اطلاعات کےمطابق ایم این اے و صدر پاکستان تحریک انصاف شمالی پنجاب صداقت علی عباسی نے لاہور میں TDCP کے ہیڈ آفس میں محکمہ سیاحت سے مری، کوٹلی ستیاں اور کہوٹہ کو ملانے والی ٹورازم ہائی وے کے حوالے سے تفصیلی بریفنگ لی۔

باغی ٹی وی کے مطابق میٹنگ میں وزیراعلیٰ کے مشیر برائے سیاحت آصف محمود و دیگر محکمے کے افسران موجود تھے۔ اس دوران منصوبے کے مخلتف خدوخال پر تفصیلی گفتگو ہوئی۔

باغی ٹی وی کے مطابق ورلڈ بنک کی فنڈنگ سے مری کے سیاحتی مقام کی توسیع اور اسکو نڑھ پنج پیر تک ملانے کے منصوبے کے حوالے سے وزیراعظم کے ویژن اور سوچ سے بھی محکمہ کو مطلع کیا اور وزیراعظم کی طرف سے یہ پیغام دیا کہ منصوبے کے حوالے سے اگر کوئی بھی رکاوٹ آتی ہے تو وفاقی حکومت بھرپور مدد کرے گی۔

ذرائع کا کہنا ہے کہ اس موقع پر صداقت علی عباسی نے اپنے بیان میں کہا کہ میرا یہ مشن ہے کہ حکومت پاکستان کی جو پالیسیز زراعت اور صنعت کیلئے ہیں اسی طرح کی اہمیت سیاحتی انڈسٹری کو دلوانا میرے مقاصد میں شامل ہے۔

ذرائع کا کہنا تھا کہ مزید ٹورازم ہائی وے کے حوالے سے انکا کہنا تھا کہ انشاءاللہ یہ منصوبہ کوہسار کی تقدیر بدلے گا اور نہ صرف مری بلکہ کوٹلی ستیاں اور نڑھ پنج پیر جیسے خوبصورت سیاحتی مقامات دیکھنے کا موقع ملے گا۔

سیاحوں کیلئے بنائی جانے والی ٹورازم ہائی وے سیاحوں کیلئے مددگار ثابت ہوگی جس میں بغیر ٹریفک میں پھنسے سیاح مری، کوٹلی ستیاں سے ہوتے ہوئے نڑھ کی خوبصورت وادیوں کے نظارے سے لطف اندوز ہوتے ہوئے باآسانی اپنے گھر واپس روانہ ہوجائیں گے۔