اداکارہ سائرہ بانو طبیعت ناسازی کے باعث آئی سی یو منتقل
بھارتی فلم انڈسٹری کی لیجنڈری اداکارہ اور مرحوم اداکار دلیپ کمار کی اہلیہ سائرہ بانو کی طبیعت ناساز ہوگئی جس کے بعد انہیں آئی سی یو منتقل کیا گیا ہے۔
باغی ٹی وی : بھارتی میڈیا کے مطابق 77 سالہ سائرہ بانو کو ممبئی کے ہندوجا ہسپتال منتقل کیاگیا ہے جہاں وہ انتہائی نگہداشت کے وارڈ (آئی سی یو) میں داخل ہیں۔سائرہ بانو کی طبیعت سے متعلق فی الحال زیادہ تفصیلات شیئر نہیں کی گئیں اور نہ ہی یہ بتایا گیا ہے کہ انہیں اچانک کیا ہوا ہے جس کی وجہ سے انہیں آئی سی یو میں داخل کیا گیا۔
واضح رہے کہ برصغیر کے مایا ناز اداکار، شہنشاہ جذبات اور اداکارہ سائرہ بانو کے شوہر دلیپ کمار کا 98 برس کی عمر میں 7 جولائی 2021 کو انتقال ہوگیا
تھا۔ ان کی موت کی خبر نے پاکستان اور بھارت سمیت دنیا بھر میں موجود ان کے چاہنے والوں کو غمزدہ کردیا تھا۔
سائرہ بانو اپنے شوہر دلیپ کمار سے بے حد محبت کرتی تھیں اورآخری وقت تک ان کے ساتھ تھیں۔