سالک حسین ،طارق بشیر چیمہ کا ہمیں پتہ ہے کیا کرنا ہے،پرویز الہیٰ
باغی ٹی وی کی رپورٹ کے مطابق سپیکر پنجاب اسمبلی چودھری پرویز الہیٰ نے کہا ہے کہ اللہ تعالی نے انکو بے نقاب کرنا تھا اور شریفوں کی اصلیت دوبارہ سامنے آگئی،
چودھری پرویز الہیٰ کا کہنا تھا کہ وفاق میں مقابلہ ہوگا، سالک حسین ،طارق بشیر چیمہ کا ہمیں پتہ ہے کیا کرنا ہے،100فیصد دونوں واپس آئیں گے اور ان کا دھڑن تختہ کر کے آئیں گے،اعتماد کے ووٹ سے پہلے ہم چیمہ اور سالک صاحب کو واپس لے کر آئیں گے،دیکھ لینا ان کی حکومت ایک ماہ سے زیادہ نہیں چلے گی طارق بشیر چیمہ کو عمران خان پر کوئی غصہ تھا مگر خلاف ووٹ نہیں دیئے، طارق بشیر چیمہ نے زرداری صاحب کو کہا کہ یامیرا ووٹ لے لیں یا سالک کا،میں نے طارق بشیر چیمہ اور سالک کو ووٹ دینے کی بالکل اجازت نہیں دی، چودھری شجاعت ٹھیک ہیں اور وہ میرے ساتھ ہیں،
دیکھ لینا وفاق میں ان کی حکومت ایک ماہ سے زیادہ نہیں رہے گی،عمران خان واحد آدمی ہے جس نے کہا آپ وزیراعلیٰ بنیں اور پھر قائم رہا،لوگوں کو تکلیف ہوئی مگر خان صاحب نے کہا میں نے کمٹمنٹ دے دی،شریفوں کی وفاق کی گیم ختم، ان کو سمجھ ہی نہیں آرہی، ن لیگ والے اس وقت جلتے توے پر لیٹے ہوئے ہیں، سالک کو وزارت دی گئی مگر محکمہ نہ دیا تو شجاعت صاحب نے کہا واپس لے لیں، اسحاق ڈار نے شجاعت صاحب کو فون پرکہا سالک کواچھا دفتر بنا کر دوں گا،شجاعت صاحب نے کہا کیا ایون فیلڈ میں ہمیں بلاتے ہو،تم نے توواپس ہی نہیں آنا،ن لیگ کی ٹکٹ اب فلم کی ٹکٹ بن گئی اور فلم بھی فیل ہے،اب صرف عمران خان کے ٹکٹ کی اہمیت ہے،پنجاب میں ان کو سرپرائز دیں گے جیسے پہلے سرپرائز دیے تھے، نوازشریف نے ہمیشہ اپنے لانے والوں سے لڑائی کی، یہ ایسےہی ہیں جیسے بانی متحدہ کا کوئی کہے کہ اداروں کے ساتھ ٹریک ریکارڈ اچھا تھا،مجھے پوری امید ہے عمران خان کے اداروں سے معاملات ٹھیک ہو جائیں گے،انشااللہ شریفوں کی جو خواہش ہے وہ بس خواہش ہی رہے گی
چودھری پرویز الہیٰ کا مزید کہنا تھا کہ شریف برادران کے ساتھ ہمارا ٹریک ریکارڈ اچھا نہیں تھا اُنہوں نے دھوکہ دیا،شجاعت حسین اور اُن کے درمیان کوئی اختلاف نہیں ہے، طارق بشیر چیمہ حکومت میں وزیر ہیں لیکن وہ ق لیگ کے جنرل سیکریٹری بھی ہیں، جیسے ہی وزارتیں ختم ہوں گی تو سب گھر واپس آ جائیں گے
زخمی ہونے کے بعد پرویز الہیٰ کی ہاتھ اٹھا کر بددعا، ویڈیو وائرل
حکومت کے ہاتھ پاؤں پھول گئے، شہزاد اکبر کو کیوں نکالا؟
عمران خان کے مشیر بیرون ملک روانہ
میری جان سے زیادہ پاکستان کی آزادی ضروری ، فوری الیکشن چاہتے ہیں ، عمران خان
کراچی جانے کیلئے عمران خان کو جہاز کس نے دیا؟ بحث چھڑ گئی
