بھارتی فلمساز کا قندیل بلوچ پر فلم بنانے کا اعلان

مبئی: بھارتی فلمساز النکریتا شریواستو نے قندیل بلوچ پر فلم بنانے کا اعلان کیا ہے-

باغی ٹی وی : بھارتی میڈیا رپورٹ کے مطابق لپس اسٹک انڈر مائی بُرقع، میڈ اِن ہیون اور بمبئی بیگمز جیسی فلموں کی ہدایتکارہ النکریتا شریواستو پاکستانی اداکارہ قندیل بلوچ پر ایک نئی فلم بنانے والی ہیں۔

بالی ووڈ میں کوئی اس لائق نہیں جسے گھر بلایا جائے،کنگنا رناوت کا نیا شوشہ

گزشتہ روز فلمساز نے اعلان کیا کہ وہ پاکستانی اداکارہ اور سوشل میڈیا اسٹارمرحومہ قندیل بلوچ پر فلم بنائیں گی تاہم النکریتا نے یہ نہیں بتایا کہ آیا وہ فلم کو سوانح حیات بنانے کا ارادہ رکھتی ہیں یا قندیل کی زندگی کے کسی تجربے کو فلمانے والی ہیں۔

فلمساز نے کتاب The Sensational Life and Death of Qandeel Baloch کے حقوق حاصل کر لیے ہیں، جس کو پاکستانی مصنفہ صنم مہر نےلکھا ہےاور Aleph نے پروڈیوسر وکاس شرما اورسنی کھنہ کےساتھ مل کر شائع کیا ہے-

ڈائریکٹر النکریتا نے بھارتی میڈیا کو بتایا کہ جب قندیل بلوچ کو 2016 میں پاکستان میں قتل کیا گیا تو میں لرز گئی، یہ غیرت کے نام پر ایک گھناؤنا قتل تھا میں اس کے ارے میں سوچنا نہیں روک سکی میں نےقندیل کی ویڈیوز باربار دیکھنا شروع کیں اور میں ان کی متوجہ ہوگئی۔

بھارتی سنگھ نے کامیڈی کے دوران سکھوں کی دل آزاری پر معافی مانگ لی

الانکریتا نے قندیل کی زندگی کی جدوجہد اوراس کےبارے میں بات کی کہ کس طرح ایک چھوٹے سے گاؤں کی ایک غریب لڑکی نے جدو جہد کی اور وہ محض 26 سال کی عمرمیں ماری گئی تھی اور اور ستم ظریفی یہ ہے کہ اس کی موت کے بعد ہی اسے صرف ایک فیمنسٹ کے طور پکارا گیا، ہدایت کار نے فوزیہ عرف قندیل بلوچ کو ایک دلکش، حساس اور باغی نوجوان لڑکی قرار دیا جس کی زندگی اس سے چھین لی گئی یہ فلم بلوچوں کے جرات مندانہ جذبے کی علامت ہے۔

Indian filmmaker Alankrita Shrivastava is to direct a film about Pakistani social media celebrity Qandeel Baloch who fell victim to a so-called honour killing in 2016, reported Variety magazine.https://t.co/z9P5jYuas5#Indianfilmmaker #QandeelBaloch pic.twitter.com/s6e5ftaFMW

— Business Recorder (@brecordernews) May 18, 2022

ہدایت کارہ نے کہا کہ ان کی فلم میں فوزیہ عرف قندیل بلوچ کے جوش اور جذبے کو دکھایا جائے گا اور فلم اس کی زندگی کی منظرکشی کرے گی یہ اس کی سنسنی خیز اور حیران کن شہرت کے عروج کو بیان کرے گی دریں اثنا، پروڈیوسرز کا خیال ہے کہ انہیں نظامی صنفی تشدد کے بارے میں کچھ مختلف بتانے کا موقع ملے گا۔

اکشے کمارکی نئی آنیوالی فلم کیلئے پچاس ہزار سے زائد ملبوسات اور پانچ سو پگڑیاں…

کئی شوبز شخصیات کا کہنا ہے کہ بھارتی فلمساز النکریتا اس فلم کے لیے سب سے بہترین انتخاب ہیں کیونکہ وہ ایک ایوارڈ یافتہ ہدایت کار اور ایک ماہر نسواں ہیں جو قندیل کی صورتحال کو سمجھتی ہیں اور اس کی بہترین عکسبندی کرسکتی ہیں۔

واضح رہے کہ قندیل بلوچ اپنی یوٹیوب ویڈیوزسے شہرت حاصل کرنے میں کامیاب ہوئیں لیکن 2016 میں اسے اس کے بھائی وسیم نے غیرت کے نام پر قتل کر دیاتھا اس واقعے نے پاکستان میں غیرت کے نام پر قتل کے مخمصے پر ایک شدید بحث کو جنم دیا۔ اس کی زندگی کے بارے میں ایک بایوپک سیریل بنایا گیا تھا جس میں اس کی موت تک کے زندگی کے واقعات پیش کیے گئے تھے۔ اس سیریز میں اداکارہ صبا قمر نے مرکزی کردار ادا کیا ہے۔ اداکارہ کو اس سیریل میں قندیل بلوچ کی بے عیب اداکاری کے لیے کافی پذیرائی ملی تھی۔

کورونا ویکسین کے فروغ کیلئےعاطف اسلم اور شائے گل کا گانا ریلیز