گھر کے باہرفائرنگ کے بعد سلمان خان کو ایک اور دھمکی مل گئی

0
123
salman khan

بالی ووڈ کے دبنگ اسٹار سلمان خان کے گھر پر فائرنگ کے بعد سلمان خان کو ایک اور دھکی مل گئی ہے

سلمان خان کو دوبارہ دھمکی ملنے کے بعد انکے گھر کی سیکورٹی مزید سخت کر دی گئی ہے، نئی دھمکی میں کہا گیا ہے کہ ” یہ تو ابھی صرف ٹریلر ہے” گینگسٹر انمول بشنوئی نے سلمان خان کے گھر پر حملے کی ذمہ داری قبول کی ہے،بھارتی میڈیا کے مطابق سلمان خان کے گھر پر فائرنگ کی تحقیقات جاری ہیں، ممبئی کرائم برانچ واقعہ کی تحقیقات کر رہی ہے، پولیس حکام کے مطابق سلمان خان کے گھر فائرنگ کرنے والوں کاتعلق مبینہ طور پر گروگرام سے ہے اور وہ گینگ بزنس مین سچن منجال سمیت قتل اور ڈکیتی کی کئی وارداتوں میں مطلوب ہے حملہ کرنے والے دونوں ملزمان کا تعلق گینگسٹر لارنس بشنوئی کے گینگ سے ہے، ان افراد میں سے ایک کی شناخت وشال کے نام سے ہوئی ہے

علاوہ ازیں سلمان خان کے گھر پر فائرنگ کی سی سی ٹی وی فوٹیج سامنے آئی،جس میں دیکھا گیا ہے کہ حملہ کرنے والے دونوں ملزمان نے ٹوپیاں پہن رکھی تھیں اور ہاتھ میں بیگ بھی اٹھایا ہوا تھا ،فائرنگ سے قبل حملہ آوروں نے سلمان خان کی رہائشگاہ کے اطراف کا جائزہ لیا اور موقع ملتے ہی فائرنگ کر دی،فائرنگ کے بعد دونوں ملزمان جائے وقوعہ سے فرار ہو گئے ہیں.سلمان خان کی رہائش گاہ کے باہر فائرنگ کرنے والے مسلح افراد کی شناخت کے باوجود تاحال کوئی گرفتاری عمل میں نہ آ سکی،

واضح رہے کہ اتوار کے روز اداکار کی رہائشگاہ کے باہر موٹرسائیکل سوار 2 نامعلوم افراد کی جانب سے سلمان خان کے گھر کے باہر فائرنگ کی گئی، جس میں کوئی جانی نقصان نہیں ہوا، تاہم واقعے کے بعد علاقے میں خوف و ہراس پھیل گیا۔

 سلمان خان کے گھر کے باہر جمع ہونے والے مداحوں پر بھارتی پولیس نے لاٹھی چارج شروع کردیا۔

سلمان خان نے اپنی بہن ارپیتا کو کیا گفٹ دیا جان کر رہ جائیں گے آپ حیران

عمران اشرف کی فلم نہیں دیکھوں گا فہد مصطفی نے آن ائیر کہہ دیا
میں گھر میں جھاڑو لگاتا اور برتن دھوتا رہا ہوں عاصم اظہر کا انکشاف
ظفری خان اہم وڈیو پیغام بولے اپنے نام کے جعلی اکاوئنٹس کی تفصیلات شئیر کیں

واضح رہے کہ اس سے قبل بھی لارنس بشنوئی گینگ کی جانب سے کئی مرتبہ سلمان خان کو جان سے مارنے کی دھمکی دی جا چکی ہے اداکار کو ممبئی پولیس نے وائی لیول سیکیورٹی فراہم کی ہوئی ہے جبکہ ان کے ذاتی گارڈز بھی ان کے ساتھ ہر وقت موجود رہتے ہیں۔

گولڈی برار کےقریبی ساتھی لارنس بشنوئی کی جانب سےبھی چند ماہ قبل سلمان خان کو قتل کی دھمکیاں دی گئی تھیں سلمان خان کے قریبی دوست کو بھیجی گئی ای میل میں کہا گیا تھا کہ ہم تمھارے باس (سلمان خان) سے بات کرنا چاہتے ہیں، یقیناً اس نے لارنش بشنوئی کا انٹرویو دیکھا ہو گا، اگر نہیں دیکھا تو اسے دکھا دو، اگر وہ اس معاملے کو ختم کرنا چاہتا ہے تو اسے گولڈی برار سے بات کرنی چاہیے، اگر سلمان خان بالمشانہ ملاقات کرنا چاہتا ہے تو ہمیں بتا دے، اس مرتبہ ہم تمھیں اطلاع کر رہے ہیں لیکن اگلی مرتبہ حیرانی ہو گی۔

ایک بھارتی ٹی وی چینل کو انٹرویو میں گولڈی برار نے کہا تھا کہ ہم اسے (سلمان خان) کو قتل کریں گے اور ہم اسے ضرور قتل کریں گے، بھائی لارنس بشنوئی نے کہا تھا کہ ہم معافی نہیں مانگیں گے، بابا اس وقت رحم دکھائیں گے جب وہ رحمدلی محسوس کریں گے ہم جب تک زندہ ہیں سلمان خان کی طرح اپنے سارے دشمنوں کے خلاف اقدامات اٹھاتے رہیں گے، سلمان خان ہمارا ٹارگٹ ہے اور اس میں کوئی شک نہیں ہے کہ ہم سلمان خان کو قتل کرنے کے لیے کوششیں کرتے رہیں گے، جب ہم کامیاب ہوں گے تو آپ کو پتہ چل جائے گا۔

Leave a reply