![sana khan](https://baaghitv.com/wp-content/uploads/2023/07/sana-khan.jpg)
اسلام کی خاطر فلمی دنیا سے کنارہ کشی اختیار کرنے والی سابقہ بھارتی اداکارہ ثنا خان نے اپنے بیٹے کا نام سید طارق جمیل رکھ لیا ہے. کہا جا رہا ہےکہ ثناء خان بہت خوش ہیں کہ ان کے ہاں بیٹے کی پیدائش ہوئی ہے ، انہوں نے کہا ہے کہ نام کا شخصیت پر بہت اثر پڑتا ہے، ہم اپنے بیٹے کے لیے ایک ایسا نام چاہتے تھے جو دین داری، بردباری، نرمی، اور دیانت داری کی علامت ہو۔ ثنا خان کا کہنا ہے کہ مجھے ابھی تک یقین نہیں آ رہا کہ یہ میری اولاد ہے، ماں بننا زندگی کا سب سے خوبصورت احساس ہے۔
ان کا کہنا ہے کہ ”مجھے ابھی تک ایسا لگتا ہے کہ میں نے کسی اور کا بچہ اٹھایا ہوا ہے”، ماں باپ بننا زندگی بھر کی ذمے داری ہے۔اداکارہ نے کہا کہ میرے شوہر سے میری شادی ہونا میری خوش قسمتی ہے، انہوں نے مجھے جینے کا مطلب سکھایا ہے، میں اس سے پہلے جو زندگی بسر کررہی تھی وہ بے معنی تھی ، شادی کے بعد میری زندگی بالکل تبدیل ہو گئی ہے اور میں اسلام کے احکامات کے مطابق زندگی کو گزارنے کو اب ترجیح دیتی ہوں. مجھے اپنا کیرئیر چھوڑنے کا بالکل بھی افسوس یا پچھتاوا نہیں ہے.