سنگین مقدمات میں مطلوب اشتہاری ملزمان کے گرد گھیرا تنگ کرنیکا فیصلہ

سی سی پی او لاہور بلال صدیق کمیانہ کی زیر ِصدارت کیپٹل سٹی پولیس آفس میں اقبال ٹاؤن اور صدر ڈویژنز کی گزشتہ چھ ماہ کی کارکردگی کا جائزہ اجلاس منعقد ہوا۔

اجلاس میں امن و امان کی مجموعی صورتحال سمیت دیگر پیشہ ورانہ امور کا تفصیلی جائزہ لیا گیا۔سی سی پی او لاہورنے محرم الحرام کی آمد کے پیش ِ نظر متعلقہ افسران کو علماء کرام، امن کمیٹی ممبران، مجالس و جلوسوں کے لائسنس ہولڈرز سے مل کر موثر اقدامات کرنے کی ہدایت کی۔سربراہ لاہور پولیس نے ایس ایچ اوز اور انچارج (انوسٹی گیشن) کو پیر کے روز تک پینڈنگ کیسز اور روڈ سرٹیفکیٹس نمٹانے کا حکم جاری کرتے ہوئے کہا کہ پینڈنگ کیسز،روڈ سرٹیفکیٹس کو جلد سے جلدیکسو کیا جائے وگرنہ سختی سے نمٹا جائے گا۔بلال صدیق کمیانہ نے کہا کہ عادی چوروں، ڈاکوؤں،اشتہاری ملزمان اور منشیات فروشوں کو گرفتار کرکے قانون کے کٹہرے میں لایا جائے اورمنشیات فروشی اور مساج سنٹرزکے مکروہ دھندے میں ملوث سماج دشمن عناصر کے خلاف انٹیلی جنس بیسڈ آپریشنز میں تیزی لائی جائے۔بلال صدیق کمیانہ نے کہا کہ سنگین مقدمات میں مطلوب اشتہاری ملزمان کے گرد گھیرا تنگ کیا جائے۔انہوں نے قتل، اقدام قتل، ڈکیتی اور راہزنی کے ملزمان کی فوری گرفتاری کو یقینی بنانے کی ہدایت جاری کیں۔

سی سی پی او لاہور نے اجلاس سے خطاب کرتے ہوئے کہا کہ ایس ایچ اوز موٹر سائیکل چوری میں ملوث گینگز کے خلاف موثر کارروائی عمل میں لائیں،کوتاہی قابل ِ قبول نہیں ہوگی۔بلال صدیق کمیانہ نے ناقص کارکردگی کے مرتکب ایس ایچ اوز اور انچارج (انوسٹی گیشن) کو اپنی کارکردگی بہتر بنانے کا حکم دیا۔ انہوں نے کہا کہ پولیس افسران و اہلکاران اپنی ذمہ داریاں دلجمی سے ادا کریں۔سی سی پی او بلال صدیق کمیانہ نے متعلقہ ایس پیز کو روزانہ کی بنیاد پر ایس ایچ اوز اور انچارج (انوسٹی گیشن) کی کارکردگی کی مانیٹرنگ کی ہدایت کی۔انہوں نے کہا کہ محکمہ پولیس میں عدم دلچسپی اورغفلت کی کوئی گنجائش نہیں۔فرائض میں غفلت اور عدم دلچسپی کی صورت میں محکمانہ ایکشن لیا جائے گا۔سی سی پی او لاہور نے ایس پیز کو تھانوں کو چور، ڈکیت اور اشتہاری پکڑنے کیلئے ٹارگٹ دینے کی ہدایت کی۔سی سی پی لاہورنے مقدمات کے چالان کی تکمیل، روڈپینڈینسی کا خاتمہ اور ریکوری میں بہتری لانے کی بھی ہدایت کی۔

بلال صدیق کمیانہ نے ایس ایس پی(انوسٹی گیشن) اور ڈویژنل ایس پیز کوقتل اور راہزنی کے مقدمات کی موثر مانیٹرنگ اور تفتیش کے معیار کو بہتر بنانے کی ہدایت کی۔انہوں نے کہا کہ ایس ایچ اوز اپنے ٹارگٹس مقررہ وقت میں پورے کریں اور پول کام سافٹ ویئر میں زیر ِتفتیش مقدمات اور روڈ سرٹیفکیٹس کے ریکارڈ کا اندراج یقینی بنایا جائے۔انہوں نے مزید کہا کہ انوسٹی گیشن کیسزکے فوری چالان اور مقدمات یکسو کرکے مظلوم کو انصاف کی فراہمی میں اپنا کردار ادا کریں

دوسری جانب سربراہ لاہور پولیس ایڈیشنل آئی جی بلال صدیق کمیانہ کی زیر صدارت آج کیپٹل سٹی پولیس آفس میں ترقیاتی سکیموں پر پیش رفت کا جائزہ اجلاس منعقد ہوا۔اجلاس میں جاری ترقیاتی سکیموں اور فلاحی منصوبوں کی رفتار کا جائزہ لیا گیا۔اجلاس کے دوران لاہور پولیس کی 11ترقیاتی سکیموں میں سے 7تھانوں سمیت 4زیر تکمیل سکیموں سمیت مختلف امور پر تبادلہ خیال کیا گیا۔سی سی پی او لاہور بلال صدیق کمیانہ نے ڈی آئی جی(آپریشنز) سید علی ناصر رضوی اور ایس ایس پی(ایڈمن)عاطف نذیر کوپولیس سٹیشنز کی بروقت تکمیل کیلئے فنڈز کی دستیابی کو یقینی بنانے کیلئے ہدایات جاری کیں۔انہوں نے لوہاری گیٹ، بھاٹی گیٹ اورہنجر وال پولیس سٹیشنز کو جلدازجلد مکمل کرنے کیلئے تمام تر وسائل بروئے کار لانے کی ہدایات جاری کیں۔ بلال صدیق کمیانہ نے سپیشل انشیٹیوپولیس سٹیشنز کے ترقیاتی کاموں کوبروقت مکمل کرنے کیلئے ایس ایس پی(آپریشنز)صہیب اشرف کو خصوصی ٹاسک سونپ دیا۔انہوں نے سالانہ ترقیاتی پروگرام کے تحت زیر ِتکمیل ترقیاتی منصوبوں کو جلد از جلد فنکشنل کرنے کی بھی ہدایات جاری کیں۔بلال صدیق کمیانہ نے اجلاس سے خطاب کرتے ہوئے کہا کہ ترقیاتی سکیموں اور فلاحی پراجیکٹس کو جلدازجلد مکمل کرنے کیلئے تمام تر اقدامات کئے جائیں۔ انہوں نے کہا کہ پولیس سٹیشنز کو سہولیات کی فراہمی سے پبلک سروس ڈلیوری میں بہتری آئے گی

ہوشیار۔! آدھی رات 3 بڑی خبریں آگئی

زمان پارک کی جادوگرنی، عمران پر دس سال کی پابندی حسان نیازی کہاں؟ پتہ چل گیا

لوٹوں کے سبب مجھے "استحکام پاکستان پارٹی” سے کوئی اُمید نہیں. مبشر لقمان

لوگ لندن اورامریکہ سے پرتگال کیوں بھاگ رہے ہیں،مبشر لقمان کی پرتگال سے خصوصی ویڈیو

الیکشن کیلیے تیار،تحریک انصاف کا مستقبل تاریک،حافظ سعد رضوی کا مبشر لقمان کوتہلکہ خیز انٹرویو

بشریٰ بی بی، بزدار، حریم شاہ گینگ بے نقاب،مبشر لقمان کو کیسے پھنسایا؟ تہلکہ خیز انکشاف

اینکر پرسن مبشر لقمان اوورسیز پاکستانیوں کی آواز بننے کے لئے میدان میں آ گئے