سڑک پر پھسلن کے باعث بس کھائی میں گرنے سے 6 مسافر جاں بحق

آزاد کشمیر، بس کھائی میں گرنے سے 6 مسافر جاں بحق جبکہ حادثہ سڑک پر پھسلن کے باعث پیش آیا.

آزاد کشمیر کے علاقے باغ میں مسافر بس کھائی میں گرنے سے بس سوار 6 مسافر جاں بحق ہوگئے۔ موصول ہونے والی اطلاعات کے مطابق حادثہ علی الصبح کو آج پانچ بجے پیش آیا۔ مسافر بس راولپنڈی سے مشٹمبہ جا رہی تھی کہ رحیم کوٹ کے قریب حادثے کا شکار ہوئی اور موڑ کاٹتے ہوئے کھائی میں جا گری۔ رپورٹ کے مطابق حادثہ سڑک پر پھسلن کے باعث پیش آیا۔ حادثے میں چھ مسافر موقع پر ہی جاں بحق، جب کہ چھ زخمی ہوئے۔

جبکہ اس حادثے کے بعد مقامی افراد نے اپنی مدد آپ کے تحت امدادی کارروائیاں کرتے ہوئے زخمیوں کو بس سے باہر نکالا، زخمیوں کو طبی امداد کیلئے دہیرکوٹ اور مظفرآباد کے اسپتالوں میں منتقل کر دیا گیا ہے۔ واضح رہے کہ اس سے قبل بھی ایسے حادثات پیش آتے رہتے ہیں. اور گزشتہ دنوں آزاد کشمیرمیں مختلف ٹریفک حادثات میں خواتین سمیت 5 افراد جاں بحق اور 14 زخمی ہوگئے تھے۔ آزاد کشمیر میں پہلا حادثہ کوہالہ کے مقام پر سیاحوں کی گاڑی کو پیش آیا تھا، جہاں کار حادثے میں ایک شخص جاں بحق جبکہ 2 خواتین سمیت 5 افراد زخمی ہوئے تھے.
مزید یہ بھی پڑھیں؛
ہم بچے نہیں ہیں جو ہم پر ہونے والے حملوں کو نہ سمجھ پائیں اسد صدیقی کا عادل راجہ کو منہ توڑ جواب
اسلام آباد میں آج موسم شدید سرد اور خشک رہے گا
فیصل واوڈ کی نشست پر انتخاب کامعاملہ،کاغذات نامزدگی آج سے 7 جنوری تک جمع ہوں گے
اداکاراؤں کی کرداکشی : خواتین کی عزت نہ کرنے والے ذہنی بیمار ہیں،مریم اورنگزیب
جبکہ آزاد کشمیر کے ضلع باغ میں نندرائی کے مقام جیپ کھائی میں گرنے کے نتیجے میں ایک خاتون سمیت 3 افراد جاں بحق اور 8 زخمی ہوئے تھے۔ جاں بحق ہونے والوں میں بنی منہاساں کا رہائشی نوجوان عبدالباسط بھی شامل ہے جس کی 8 روز قبل شادی ہوئی تھی ۔ علاوہ ازیں آزاد کشمیر کے ضلع کوٹلی میں تھلہ لاٹ کے مقام پر جیپ حادثے میں ایک عورت جاں بحق جبکہ جیپ 4 ڈرائیور شدید زخمی ہوگیا تھا. آزاد کشمیر میں 3 مختلف ٹریفک حادثات میں جاں بحق اور زخمی ہونے والوں کو مقامی اسپتالوں میں منتقل کردیا گیا جبکہ زخمیوں کو مختلف اسپتالوں میں طبی امداد دی گئی تھی ۔