جی 20 سربراہی اجلاس میں شریک سعودی ولی عہد محمد بن سلمان اجلاس کے اختتام پر فوری واپس روانہ ہونے کی بجائے بھارت میں رکیں گے اور بھارت کا سرکاری دورہ کریں گے
سعودی ولی عہد دہلی میں ہیں، کانفرنس شروع ہو چکی ہے، محمد بن سلمان بھارت پہنچے تو انکا بھر پور استقبال کیا گیا،وہ نو اور دس ستمبر کو جی 20 سربراہی اجلاس میں شریک ہیں،اجلاس کے اختتام پر محمد بن سلمان واپس جانے کی بجائے بھارت میں قیام کریں گے، سعودی ولی عہد محمد بن سلمان 11 ستمبر سے بھارت کا سرکاری دورہ کریں گے،اس دورے کے دوران محمد بن سلمان کی بھارتی صدر، وزیراعظم سے ملاقاتیں ہوں گی،
محمد بن سلمان 2019 میں بھارت کا سرکاری دورہ کر چکے ہیں، یہ محمد بن سلمان کا بھارت کا دوسرا سرکاری دورہ ہو گا،محمد بن سلمان 11 ستمبر کو مودی کے ساتھ دو طرفہ اجلاس کریں گے، ملاقات میں دونوں رہنماؤں کے درمیان سیاسی، سیکورٹی، ثقافتی، سماجی، سرمایہ کاری میں تعاون اور مالیاتی امور پر تبادلہ خیال کیا جائے گا
جی 20 سربراہی اجلاس آج بھارت میں شروع ہوگیا ہے، امریکی صدر، سعودی ولی عہد سمیت رکن ممالک کے مہمان دہلی پہنچ چکے ہیں،کینیڈین وزیر اعظم جسٹن ٹروڈو بھی دہلی پہنچ چکے ہیں،اجلاس کے موقع پر سعودی ولی عہد شہزادہ محمد بن سلمان اور بھارتی وزیراعظم مودی سرمایہ کاری فورم کی میزبانی کریں گے ،سعودی عرب کی امریکا، بھارت اور یو اے ای کے رہنماؤں کے ساتھ ایک انفرااسٹرکچرڈیل کا بھی امکان ہے جس کے تحت خلیجی اور عرب ممالک ریلوے اور بندرگاہوں کے ذریعے بھارت سے جڑ سکیں گے
برطانوی وزیراعظم رشی سونک بھی بھارت پہنچ چکے ہیں، بھارت پہنچنے سے قبل انکا کہنا تھا کہ برطانیہ بھارت کے ساتھ تجارتی معاہدے میں جلدی نہیں کرے گا وہ مذاکرات کیلئے کوئی آخری تاریخ مقرر نہیں کریں گے سال کے اختتام سے پہلے ایک معاہدہ ہوسکتا ہے جی 20 اجلاس کے ایجنڈے میں برطانیہ اور بھارت کا معاہدہ شامل نہیں ہے
امریکی صدر گزشتہ شب دہلی پہنچے تھے، امریکی صدر اور بھارتی وزیراعظم کی ملاقات ہوئی،ون ٹو ون ملاقات کے بعد وفود کی سطح پر ملاقات ہوئی،دونوں رہنماؤں کئی اہم مسائل پر تبادلہ خیال کیا اور اور امریکہ کے تعلقات کو مزید مستحکم کرنے پر اتفاق کیا،
دوسری جانب نرملا سیتا رمن نے دہلی میں جی 20 وزرائے خزانہ کے لیے عشائیہ کا اہتمام کیا ،جس میں آئی ایم ایف کی سربراہ کرسٹالینا جارجیوا اور ورلڈ ٹریڈ آرگنائزیشنکے سربراہ نے بھی شرکت کی،
جی 20 سربراہی اجلاس میں شرکت کے لئے سپین کے صدر پیڈرو سانچیز نے بھارت آنا تھا تا ہم انہیں کرونا ہو گیا جس کی وجہ سے وہ بھارت نہیں آ رہے، کرونا کی اطلاع سپین کے صدر نے خود ٹویٹر پر دی اور کہا کہ میں کرونا کی وجہ سے بھارت کا دورہ نہیں کر سکوں گا، جی 20 سربراہی اجلاس میں میری نمائندگی قائمقام نائب صدر نادیہ کالوینو اور وزیر خارجہ کریں گے، سپین کے صدر کرونا کے بعد اپنی رہائشگاہ پر موجود ہیں اور انہوں نے قرنطینہ کر لیا ہے،
بھارت کو گزشتہ برس یکم دسمبر کو جی 20 کی صدارت ملی تھی، نئی دہلی میں نو دس ستمبر کو منعقد ہونے والا 18 ویں جی 20 سربراہی اجلاس سال بھر میں منعقد ہونے والے تمام G20 عمل اور میٹنگوں کا اختتام ہوگا ،اجلاس کے اختتام پر مشترکہ اعلامیہ بھی جاری کیا جائے گا،
برطانیہ اور بھارت کے درمیان تجارتی تعلقات منقطع ہوگئے
بھارتی مرکزی بینک کی 18 ممالک کو بھارت کرنسی میں تجارت کی سہولت
پینٹاگون نے حساس دستاویزات کا افشا ہونا قومی سلامتی کیلئےانتہائی سنگین خطرہ قرار دے دیا
بھارت جی 20 کی صدارت کا غیرقانونی استعمال کررہا. وزیر خارجہ
جی 20 اجلاس میں شرکت کے لئے نائیجریا کے صدر بولا احمد ٹینوبو بھارت پہنچ گئے ہیں
جی 20 اجلاس،بائیڈن پہنچیں گے آج بھارت،دہلی کی عوام کیلئے مشکلات
وزیراعظم مودی نے کابینہ اراکین کے لئے ایس او پیز جاری کی ہیں
