صدر مملکت نے پوسٹ آفس کو پینشنر کے کاٹے گئے ساڑھے 13 لاکھ روپے واپس کرنے کی ہدایت کردی

صدر مملکت نے پوسٹ آفس کو پینشنر کے کاٹے گئے ساڑھے 13 لاکھ روپے واپس کرنے کی ہدایت کردی

صدر مملکت ڈاکٹر عارف علوی نے پوسٹ آفس کو پینشنر کے ناجائز طور پر کاٹے گئے ساڑھے 13 لاکھ روپے واپس کرنے کی ہدایت کردی، پوسٹ ماسٹر جنرل پنجاب کی جانب سے تاریخ پیدائش میں غلطی کی بنیاد پر پنشنری مراعات سے ناجائز طور پر رقم کاٹی گئی تھی۔

شکایت کنندہ نے شکایت کی کہ اس نے ایجنسی میں 38 سال خدمات انجام دیں اور 2016 میں ریٹائر ہوا، محکمہ نے تاریخ پیدائش غلط درج کرکے اُس کی ریٹائرمنٹ کا سال 2016 سے 2012 میں بدل دیا۔
مزید یہ بھی پڑھیں؛
کریمنل لا ترمیمی ایکٹ 2022 کو قرآن و سنت کے منافی قرار دیا جائے. درخواست گزار
امریکی ڈالر کی قدر میں کمی کا سلسلہ جاری
ہیروئن، احرام میں جذب کرکے اسمگل کرنے کی کوشش ناکام

علاوہ ازیں صدر مملکت نے محمد یوسف کی وفاقی محتسب کے فیصلے کے خلاف درخواست منظور کرتے ہوئے کہا کہ ملازم ریٹائرمنٹ کے بعد مزید چار سال اپنے محکمے میں خدمات انجام دیتا رہا، اسے چار سال کی خدمات کے عوض تنخواہ وصول کرنے کا پختہ یقین تھا، ملازم کو پنشنری فوائد سے محروم کرنا اور تنخواہ سے کٹوتی کرنا غیر قانونی اور بدانتظامی ہے۔