ڈنمارک:شاپنگ مال میں فائرنگ ہرطرف آہ وبکا

کوپن ہیگن: ڈنمارک میں شاپنگ مال میں فائرنگ ہرطرف آہ وبکاکی خبریں بڑی تیزی سے وائرل ہورہی ہیں، اوراس سلسلے میں عالمی ذرائع ابلاغ کی طرف سے کہا گیا ہے کہ پولیس کا کہنا ہے کہ ڈنمارک کے دارالحکومت کوپن ہیگن کے ایک شاپنگ سینٹر میں متعدد افراد کو گولی مار دی گئی ہے۔

مسلح افسران کو شہر کے جنوب میں واقع فیلڈز مال میں بھیجا گیا۔ یہ واضح نہیں ہے کہ کتنے افراد ہلاک یا زخمی ہوئے ہیں۔

وہاں کی تمام سڑکیں اور اسے شہر کے مرکز سے جوڑنے والی میٹرو لائن کو بند کر دیا گیا ہے، اور ایمبولینس اور فائر بریگیڈ کا عملہ جائے وقوعہ پر موجود ہے۔

پولیس نے بعد میں کہا کہ ایک مشتبہ شخص کو گرفتار کر لیا گیا ہے، لیکن اس نے کوئی تفصیلات نہیں بتائیں۔