شہریوں نے بہادری کی نئی مثال قائم کر دی،شادی میں آتشزدگی کے باوجود بھی کھانا نہ چھوڑا،ویڈیو وائرل

شادی پر آئے باراتیوں نے ٹینٹ میں خطرناک آگ لگنے کے بعد بھی کھانا کھانا نہ چھوڑا-

باغی ٹی وی : بھارتی ریاست مہاراشٹر بھوانڈی میں شادی کی تقریب میں بھارتی شہریوں نے بہادری کی نئی مثال قائم کر دی ہوا کچھ یوں کہ شادی کی تقریب کے دوران ٹینٹ کو آگ لگنے سے جہاں ہر سو افراتفری کا عالم پیدا ہوا وہیں دو افراد قورمے کا مزا لیتے رہے جس کی ویڈیو بھی سوشل میڈیا پر وائرل ہو گئی-

انیل کپورنے کنگنا رناوت سے شادی کے خواہش ظاہر کر دی

بھارتی میڈیا کے مطابق انصاری میرج ہال میں شادی کی تقریب کے دوران جب کھانا کھولا گیا تو اس کے کچھ ہی دیر بعد ہی ٹینٹ میں آگ لگ گئی، جس نے لوگوں کو بھاگنے پر مجبور کر دیالیکن اس تقریب میں دو ایسے لوگ تھے جو آگ لگنے کے بعد بھی کھانا چھوڑ کے نہ جا سکے، اور بڑے آرام سے اپنی سیٹ پر بیٹھے کھانے کا مزا لیتے رہے اور لوگوں کو آگ کی وجہ سے جان بچا کر بھاگتے دیکھتے رہے۔

کچھوے کا زہریلا گوشت کھانے سے بچے سمیت 7 افراد ہلاک

تاہم سوشل میڈیا پر اس ویڈیو میں دعوت میں شریک ایک شخص پیچھے مڑکر دیکھتا ہے لیکن اس کے باوجود مفت کی دعوت کا سلسلہ جاری رکھتا ہے۔ مجموعی طور پر اس ویڈیو میں دو افراد کھانا کھاتے نظر آرہے ہیں۔

بھارتی میڈیا کے مطابق یہ آگ پٹاخوں سے لگی فائر بریگیڈ نے موقع پر آکر آگ بجھائی، آگ سے تمام مہمان محفوظ رہے تاہم کچھ گاڑیوں کو نقصان پہنچا ہے۔