شہریوں سے کروڑوں کا فراڈ کرنیوالی خاتون گرفتار

شہریوں سے کروڑوں روپے کا فراڈ کرنے والی خاتون کو کراچی سے گرفتار کرلیا گیا۔

باغی ٹی وی : پولیس کے مطابق خاتون نے شوہر کے ساتھ مل کر شہریوں سے کروڑوں روپے کا فراڈ کیا جس پر ملزمان کے خلاف تھانہ کوہسار میں مقدمہ درج کیا گیا تھا اور ملزمان کے اشتہاری ہونے پرکوہسارپولیس نےکراچی میں کارروائی کی۔

پولیس کا کہنا ہےکہ ملزمان جعلی دستاویزت پرمختلف بینکوں میں اکاؤنٹس کھلواتے رہے اور روحانی حساب کتاب بتا کرلوگوں کوجائیدادیں فروخت کرنےکا مشورہ دیتے تھے-

پولیس کا کہنا ہےکہ ملزمان متعدد لوگوں سے فراڈ میں ملوث ہیں جب کہ ملزمان نے ایک شہری سے32 کروڑمختلف طریقوں سے لیےخاتون کی کراچی سے گرفتاری کے بعد ملزمہ کو اسلام آباد منتقل کردیا گیا ہے۔

داؤد ابراہیم کے مزید 4 معاونین کی گرفتاری کا کیا گیا دعویٰ

دوسری جانب شہر قائد کراچی میں دہشت گردی کے پے در پے حملوں اور امن و امان کی مخدوش صورتحال کے بعد آئی جی سندھ مشتاق مہر کو عہدے سے ہٹا دیا گیا ہےآئی جی سندھ کو عہدے سے ہٹا کر اسٹیبلشمنٹ ڈویژن رپورٹ کرنے کا نوٹیفکیشن بھی جاری کر دیا گیا ہے حکومت سندھ نے ایڈیشنل آئی جی ڈاکٹر کامران فضل کو آئی جی سندھ کا اضافی چارج دیا ہے، ڈاکٹر کامران فضل کو ان کی ریٹائرمنٹ یعنی 17 جولائی تک قائم مقام آئی جی سندھ کے طور پر کام کرنے کا کہا گیا ہے-

شہر قائد میں دہشت گردی کے تین واقعات گزشتہ چند دنوں میں ہو چکے ہیں جبکہ چوری، ڈکیتی کی وارداتوں میں بھی مسلسل اضافہ ہو رہا تھا، دہشت گردی کے بڑھتے واقعات پر پولیس پر کڑی تنقید کی جا رہی تھی، آج سندھ حکومت نے آئی جی کو عہدے سے ہٹایا ہے-

شہر قائد میں سی ٹی ڈی کی کاروائی،ایک دہشتگرد ہلاک