شہزاد اکبر کرائے کا معاون،فارن فنڈنگ کے چیک پیش کیوں نہیں کیے جاتے، مریم اورنگزیب کا سوال

باغی ٹی وی کی رپورٹ کے مطابق پاکستان مسلم لیگ (ن) کی ترجمان مریم اورنگزیب نے شہبازشریف پر الزامات کی تردید اور عوام سے فراڈ قرار دیتے ہوئے کہا کہ شہبازشریف کا کسی کمپنی اور چیک سے کوئی تعلق نہیں

مریم اورنگزیب کا کہنا تھا کہ شہباز شریف پہ الزامات کی دھند میں کرونا سے مرتے ہوئے پاکستانیوں کو چھپانے کی کوشش کی جا رہی ہے ،اگر شہباز شریف کا کسی کمپنی ، کسی چیک سے کوئی تعلق ہوتا ، کوئی کرپشن ہوتی تو نیب سپریم کورٹ سے شہباز شریف کے خلاف درخواست واپس نہ لیتی ،نیب نیازی گٹھ جوڑ کی عدالتوں میں ناکامی اب میڈیا ٹرائل میں تبدیل ہوگئی ہے ،شہباز شریف کے خلاف کرپشن ، کمیشن ، یا سرکاری خزانے سے ایک دھیلے کی بھی کرپشن کا ثبوت ہے تو عوام کے سامنے لائیں

مریم اورنگزیب کا مزید کہنا تھا کہ جن کمپنیوں اورچیکس کا کرائے کے معاون خصوصی شہزاد اکبر ذکر کررہے ہیں ، انہیں پی آئی ڈی نہیں، عدالت لے کر جائیں ،شہزاد ا کبر اگلی پریس کانفرنس عمران صاحب کے اربوں روپے کے 23 خفیہ اکاونٹس، فارن فنڈنگ، مالم جبہ،ہیلی کاپٹرکیسز پر کریں ،شہزاد اکبر بلین ٹری سونامی، 100 ارب کے بی آرٹی کھڈوں، 500 ارب آٹا چینی اور 580 ارب سے زائد ادویات کے ڈاکے پراگلی پریس کانفرنس کریں اور شواہد قوم کے سامنے پیش کریں ،شہزاد اکبر اگلی پریس کانفرنس میں 507 ارب کی مہنگی چینی بیچنے ، سبسڈی دینے اور ایکسپورٹ کا فراڈ کرنے والوں کے ڈاکے کی رپورٹ عوام کے سامنے پیش کریں

مریم اورنگزیب کا مزید کہنا تھا کہ اگلی پریس کانفرنس میں فارن فنڈنگ کے وہ چیک پیش کریں جس پر عمران صاحب نے دستخط کئے ہیں اور ان کی چوری سٹیٹ بنک کا ریکارڈ بن چکی ہے ،عمران صاحب کی منی لانڈرنگ، حوالہ اور ہنڈی کا الیکشن کمشن میں چھپایاگیا ریکارڈ عوام کے سامنے پیش کریں ،نیب نیازی گٹھ جوڑ آج تک شریف خاندان، نوازشریف، شہبازشریف اور مسلم لیگ (ن) کی سرکاری خزانے سے ایک دھیلے کی کرپشن ثابت نہیں کرسکا ، میڈیاحکومت کی کرپشن، چوری، نالائقی اور نااہلی عوام کے سامنے جب بے نقاب کرتا ہے تو میرشکیل الرحمن کو گرفتار کیاجاتا ہے

حمزہ شہباز کا فرنٹ مین بن گیا نیب میں وعدہ معاف گواہ،بیان ریکارڈ کروا دیا

مریم نواز کے وکلاء نے ہی مریم نواز کی الیکشن کمیشن میں مخالفت کر دی، اہم خبر

صرف اللہ کوجوابدہ ،کوئی کچھ بھی رائے رکھےانصاف کے مطابق فیصلہ دیں گے، عدالت کےحمزہ کیس میں ریمارکس

فارن فنڈنگ کیس، شیخ رشید نے بھی بڑا مطالبہ کر دیا

فارن فنڈنگ کیس سماعت سے قبل وزیراعظم عمران خان کے لئے ایک اور مشکل

غیر ملکی فنڈنگ کیس میں تحریک انصاف کو ملی عدالت سے ملی بڑی کامیابی

فارن فنڈنگ کیس، مریم اورنگزیب نے الیکشن کمیشن سے بڑا مطالبہ کر دیا

تحریک انصاف اپنی مرضی کے نتائج حاصل کرنا چاہتی ہے، ایسا کس نے کہہ دیا

مریم اورنگزیب کا مزید کہنا تھا کہ میڈیا سچ بولے تو پیمرا سے نوٹس اورنیب سے گرفتاریوں کے پروانے جاری ہوتے ہیں، میڈیا ورکرز کی تنخواہ اور چینل نشریات بند کی جاتی ہے ،حکومت کی طرف سے جھوٹ بلوانے اور چھپوانے کے لئے میڈیا کو استعمال کیاجاتا ہے ،سیاسی مخالفین کی ہتک کرنے،ان کے خلاف جھوٹ بولنے اور الزامات لگانے کے لئے میڈیا استعمال کیاجاتا ہے ،اربوں کھربوں کے بجلی، موٹرویز، سڑکوں، ہسپتال، سکول منصوبوں میں دھیلے کا کمشن، کک بیک یا اختیارات کا غلط استعمال ثابت نہیں ہوسکا ،نیب نیازی گٹھ جوڑ کے پاس کسی قسم کا کرپشن کا ثبوت موجود ہوتا تو پی آئی ڈی میں جھوٹے دستاویز نہ لہرائے جاتے، عدالت میں پیش کئے جاتے ،اگر کرپشن کے ثبوت موجود تھے تو نیب نیازی گٹھ جوڑ نے سپریم کورٹ سے اپنی پٹیشن واپس کیوں لی ؟ کاروبار، کمپنیوں اور جن چیکس کا ذکر کیاگیا، نیب نیازی گٹھ جوڑ ان سے شہباز شریف کا تعلق بتائیں؟ حمزہ شہبازشریف 10 ماہ میں حراست میں ہیں، اگر اتنے ثبوت موجود ہیں تو پھر ریفرنس دائر کیوں نہیں ہوسکے

فارن فنڈنگ کیس، امریکی عدالت میں بھی تحریک انصاف کیخلاف درخواست