سیاست بعد میں ہوتی رہے گی، حکومت کیا کام کرے؟ مریم اورنگزیب نے دیا مشورہ
باغی ٹی وی کی رپورٹ کے مطابق مسلم لیگ ن کی ترجمان مریم اورنگزیب نے کہا ہے کہ اسلام آباد کے 4 ہسپتالوں میں کرونا وائرس سے نمٹنے کے حوالہ سے مناسب انتظامات نہیں ،ڈاکٹرز کے تمام خدشات، تحفظات اور مطالبات کو سنجیدگی سے لیاجائے،ڈاکٹرز کی 24 مارچ سے ہڑتال کورونا کی ہنگامی صورتحال میں تباہ کن ثابت ہوگی
مریم اورنگزیب کا مزید کہنا تھا کہ کہ شعبہ صحت ریگولیٹ کرنے والا ادارہ فوری بحال کیاجائے ،پی ایم ڈی سی پر عدالت عظمیٰ کے حکم کے باوجود اب تک کچھ نہیں ہوا، ڈاکٹرزاور طبی عملے کی حفاظت کے لیے ضروری سامان فی الفور مہیا کیا جائے ، اس وقت اولین ترجیح اور اولین ہدف قوم کی صحت کا تحفظ ہے.
https://twitter.com/pmln_org/status/1240928130078048256
مریم اورنگزیب کا مزید کہنا تھا کہ کورونا سے نمٹا جاسکتا ہے لیکن حکومت کو اپنا رویہ بدلنا ہوگا،حکومت بیانات کے بجائے اقدامات پر توجہ دے،سیاست بعد میں ہوتی رہے گی، اولین ترجیح اور ہدف قوم کی صحت کا تحفظ ہے،
چین سے پھیلنے والے خطرناک کرونا وائرس کے پاکستان میں مریضوں کی تعداد 455 ہو گئی ہے، وائرس سے مجموعی طور پر 3 افراد جاں بحق جب کہ 5 مریض صحت یاب ہو چکے ہیں۔
وزیراعظم پرتنقید کا وقت نہیں، کرونا وائرس کا پاکستان مقابلہ کر سکتا ہے، بلاول
کرونا وائرس، سندھ حکومت نے انتہائی اقدامات کا فیصلہ کر لیا،بین الصوبائی بارڈر ہوں گے بند
گائے کا پیشاب پینے سے کرونا وائرس ہو گا ختم،ہندو مہاسبھا کے صدر کے علاج پر سب حیران
بھارت میں کرونا کے 44 مریض، مندر میں بتوں کو بھی ماسک پہنا دیئے گئے
سندھ میں اب تک کرونا کے 245، بلوچستان میں81 کیسز رپورٹ ہوئے ہیں۔ پنجاب میں 80 کیسز سامنے آئے ہیں، خیبر پختون خوا میں 23 کرونا کیسز کی تصدیق کی جا چکی ہے، گلگت بلتستان میں کرونا کے 21 اور آزاد کشمیر میں ایک کیس کی تصدیق ہوئی ہے، جب کہ اسلام آباد میں کرونا کے 7 کیسز سامنے آ چکے ہیں۔
آج کراچی میں کرونا وائرس سے پہلا مریض جان کی بازی ہار گیا،مریض کی عمر 77 سال تھی، اور وہ کینسر اور شوگر کا بھی مریض تھا، سندھ کی صوبائی وزیر صحت عذرا پیچوہو کا کہنا ہے کہ شہر قائد کراچی میں کرونا وائرس کے 93 کیس رپورٹ ہو چکے ہیں، جب کہ سندھ بھر میں کرونا کے مریضوں کی تعداد 245 ہو چکی ہے، 241 مریض سندھ کے مختلف اسپتالوں میں زیر علاج ہیں، جن میں سے کراچی میں 90 اور سکھر میں 151 مریض زیر علاج ہیں۔
