اسٹاک مارکیٹ میں‌ آج مندی کی طرف رجحان

آج بدھ کو اسٹاک مارکیٹ میں مندی کا رجحان رہا .پاکستان اسٹاک مارکیٹ میں کاروباری ہفتے کے تیسری دن شروع میں ہی منفی زون میں رہا
بدھ کے روز مارکیٹ میں کاروبار کا آغاز 31 ہزار 829 پر ہوا اور ابتدائی ایک گھنٹے کے دوران 100 انڈیکس 15 پوائنٹس کی کمی کے بعد 31 ہزار 814 کی سطح پر دیکھا گیا ہے۔جبکہ کل اسٹاک مارکیٹ میں کاروباری ہفتے کے دوسرے روز کا آغاز مثبت انداز میں ہوا تھا

واضح رہے کہ پاکستان سٹاک ایکسچینج مسلسل تیسرے ہفتے تیزی کا رجحان جاری ہے ، بروز اتوار سٹاک ایکسچینج 100 انڈیکس 630 پوائنٹس کے اضافے کیساتھ 32111 پوائنٹس پر بند ہوئی ،ٹاپ لائن سیکیورٹیز کی حالیہ رپورٹ کے مطابق پچھلے تین ہفتوں میں سٹاک ایکسچینج میں کل 8 فیصد اضافہ ریکارڈ کیا گیا ہے،
سعودی ائل کمپنی ارمکو کی تنصیبات پر حملے کے بعد دنیا میں تیل کی قیمتوں میں 20 فیصد کا اضافہ ریکارڈ کیا گیا ہے جس کے باعث انویسٹر تیل و گیس کے سٹاک پر سرمایہ کاری میں زیادہ دلچسپی لے رہا ہے اور سٹاک مارکیٹ میں اضافے کا باعث بن رہا ہے ،