سپریم کورٹ کراچی رجسٹری، میئر کراچی کو فوری پیش ہونے کا حکم

سپریم کورٹ کراچی رجسٹری ، شہری حکومت کا شہری کے خلاف پلاٹ کی ملکیت کیس کی سماعت کے دوران شہری حکومت کے وکیل کی جانب سے مہلت طلب کرنے پر چیف جسٹس قاضی فائز عیسیٰ برہم ہو گئے

سپریم کورٹ نے میئر کراچی مرتضیٰ وہاب کو فوری طلب کر لیا،عدالت نے سیکریٹری لوکل گورنمنٹ کو بھی فوری پیش ہونے کا حکم دے دیا، چیف جسٹس قاضی فائز عیسیٰ نے برہمی کا اظہار کرتے ہوئے کہا کہ "آپ لوگوں نے عدالت کا مذاق بنایا ہوا ہے، کیس دائر کرتے ہیں تو چلایا کریں، 15 سال سے کیس دائر کیا ہوا ہے چلاتے کیوں نہیں؟ عدالت کا مذاق نہ بنائیں، بار بار التواء کی درخواست دے دیتے ہیں، شہری حکومت کا سربراہ کون ہے؟”.بیرسٹر فروغ نسیم نے جواب دیا کہ میئر کراچی سربراہ ہوتا ہے، چیف جسٹس قاضی فائز عیسیٰ نے استفسار کیا کہ کون ہے ابھی کراچی کا میئر؟ فروغ نسیم نے کہا کہ ” مرتضیٰ وہاب کراچی کے میئر ہیں”۔سپریم کورٹ نے میئر کراچی مرتضیٰ وہاب کو فوری پیش ہونے کا حکم دے دیا۔

سپریم کورٹ کی طلبی پر میئر کراچی پیش،کیس کی سماعت ملتوی
کلفٹن میں سرکاری پلاٹ کی ملکیت کا تنازع ، سپریم کورٹ کے حکم پر میئر کراچی مرتضیٰ وہاب سپریم کورٹ میں پیش ہو گئے،چیف جسٹس قاضی فائز عیسیٰ نے میئر کراچی سے استفسار کیا کہ آپ کو پتہ ہے کہ آپ کو کیوں بلایا ہے؟میئر کراچی مرتضیٰ وہاب نے کہا کہ مجھے میڈیا کے ذریعے پتہ چلا کہ بلایا گیا ہے، فروغ نسیم صاحب سے پوچھ لیتا ہوں کہ کیا کیس ہے،جسٹس جمال مندوخیل نے ریمارکس دیتے ہوئے کہا کہ یہ تو آپ کے مخالف فریق کے وکیل ہیں، آپ کا خیال نہیں کریں گے، چیف جسٹس قاضی فائز عیسیٰ نے کہا کہ دیکھیں آپ کے وکلاء کیا کر رہے ہیں، پھر کہتے ہیں کہ سپریم کورٹ میں کیسز نہیں چلتے، کیس چلانے کا کہا تو آپ کے وکیل نے مہلت طلب کر لی، مرتضیٰ وہاب نے عدالت میں کہا کہ یہ کیس سٹی ڈسٹرکٹ گورنمنٹ نے دائر کیا تھا، اب زمینوں سے متعلق یہ محکمہ کے ڈی اے کے پاس ہے، چیف جسٹس قاضی فائز عیسیٰ نے ریمارکس دیتے ہوئے کہا کہ سارا دن خراب ہوا، آپ کا بھی وقت ضائع ہوا، اب بتا رہے ہیں کہ یہ کے ایم سی کا مسئلہ ہی نہیں،چیف جسٹس نے ڈی جی کے ڈی اے سے سوال کیا کہ آپ کے وکیل کیوں موجود نہیں؟ کیس کیوں نہیں چلاتے؟ڈی جی کے ڈی اے نے جامع رپورٹ پیش کرنے کے لیے مہلت طلب کر لی،سپریم کورٹ نے ڈی جی کے ڈی اے کو باقاعدہ وکیل مقرر کرنے کی ہدایت کر دی، چیف جسٹس قاضی فائز عیسیٰ نے ریمارکس دیتے ہوئے کہا کہ یہ آپ کا ذاتی کیس نہیں پبلک پراپرٹیز کا معاملہ ہے، سنجیدہ لیں، مفادِ عامہ کے کیسز میں کوئی التواءبرداشت نہیں کریں گے، کے ڈی اے اور کے ایم سی ترجیحی بنیادوں پر کیسز چلائیں، یہ شہریوں کی امانت ہے،سپریم کورٹ نے کیس کی سماعت 26 اپریل تک ملتوی کر دی

واضح رہے کہ چیف جسٹس جسٹس قاضی فائز عیسیٰ کراچی رجسٹری میں آج سے جمعے تک 3 رکنی بینچ کی سربراہی کر رہے ہیں،بینچ کے دیگر ججز میں جسٹس جمال خان مندوخیل اور جسٹس نعیم اختر افغان شامل ہیں،کراچی رجسٹری کی جانب سے پورے ہفتے کے لئے 48 مقدمات کی فہرست جاری کردی گئی تھی،چیف جسٹس ہفتے کے روز کراچی بار سندھ ہائیکورٹ بار، سندھ بار کونسل اور وکلا کے وفود سے ملاقات کریں گے

فیس بک کی دوستی،انجام جنسی تعلقات،نازیبا تصاویر اور بلیک میلنگ،مقدمہ درج

ٹاٹا موٹرز کی کینٹین میں سموسوں سے کنڈوم،تمباکو،پتھرنکل آئے،مقدمہ درج

شادی کی ضد مہنگی پڑ گئی،ملزم نے خاتون کو پارک میں زندہ جلا دیا

خبردار، حق خطیب سے بڑا فنکار آ گیا، سائنس ہار گئی،ہاتھ سے موبائل کی بیٹری چارج

بلیک میلنگ کی ملکہ حریم شاہ کا لندن میں نیا”دھندہ”فحاشی کا اڈہ،نازیبا ویڈیو

سوشل میڈیا پر دوستی،پھر عریاں تصاویر،پھر زیادتی،کم عمر لڑکیاں‌بنتی ہیں زیادہ شکار

حاجرہ خان کی کتاب کا صفحہ سوشل میڈیا پر وائرل،انتہائی شرمناک الزام

سوشل میڈیا پر رابطہ،دبئی ویزے کے چکر میں خاتون عزت لٹوا بیٹھی

زبردستی دوستی کرنے والے ملزم کو خاتون نے شوہر کی مدد سے پکڑوا دیا