سوشانت سنگھ راجپوت کا موم سے بنایا گیا مجسمہ میوزیم میں سجا دیا گیا

رواں برس 14 جون کو خودکشی کر کے موت کو گلے لگانے والے بالی وڈ اداکار سوشانت سنگھ راجپوت کا موم سے بنایا گیا مجسمہ میوزیم میں سجا دیا گیا۔

باغی ٹی وی : خودکشی کرنے والے بھارتی آنجہانی اداکار سوشانت سنگھ کی موت کے تین ماہ بعد موم سے بنا مجسمہ میوزیم میں سجا دیا گیا- بھارتی خبر رساں ادارے انڈیا ٹوڈے کے مطابق سوشانت سنگھ راجپوت کا مومی مجسمہ بھارتی ریاست مغربی بنگال کے میوزیم میں سجایا گیا۔

سوشانت سنگھ راجپوت کا مجسمہ مغربی بنگال کے شہر آسنسول میں موجود مقامی میوزیم میں سجایا گیا جہاں پہلے ہی با لی وڈ اسٹارز، کھلاڑیوں، سیاستدانوں اور معروف شخصیات کے مجسمے موجود ہیں۔

سوشانت سنگھ راجپوت کا مجسمہ بھارتی مجسمہ ساز سسانتا رے نے بنایا جو اس سے قبل امیتابھ بچن، ویرات کوہلی اور شاہ رخ خان جیسی شخصیات کے مجسمے تیار کرکے مذکورہ میوزیم میں سجا چکے ہیں۔

Today at West Bengal inauguration of wax statue of @itsSSR was done in Museum at Asansol…..
Sculptor – #Susanta_ray
Place – Asansol(West Bengal) #2BrutalMurders pic.twitter.com/dosbiyKY3L

— Harshit rajput (@Harshitshubham) September 18, 2020

سوشانت سنگھ راجپوت کے مومی مجسمے کو میوزیم میں رکھے جانے کے بعد مداحوں نے میوزیم کا رخ کیا جب کہ مجسمہ ساز نے اداکار کے مجسمے کو نصب کرنے کی ویڈیو بھی سوشل میڈیا پر شیئر کی۔

خیال رہے کہ رواں سال 14 جون کو سوشانت سنگھ راجپوت نے اپنے فلیٹ میں خودکشی کر کے موت جکو گلے لگایا تھا ان کے قریبی دوستوں اور داکٹراز نے ٹینشن کو ان کی خود کشی کی وجہ قرار دیا تھا تاہم زیادہ تر بھارتی افراد اور ان کے اہل خانہ کا ماننا ہےکہ انہیں خودکشی کرنے پر مجبور کیا گیا لہذا اب سوشانت سنگھ کے کیس کی تفتیش اس وقت سینٹرل بیورو آف انویسٹی گیشن (سی بی آئی) کر رہی ہے۔