سید مصطفیٰ کمال نےکراچی میں تقرریوں پر خدشات کا اظہارکردیا

کراچی : پاک سر زمین پارٹی کے چیئرمین سید مصطفیٰ کمال نے متعصب پیپلز پارٹی کی سندھ حکومت کی جانب سے کراچی رینج کی سب انسپکٹر کی 150 خالی آسامیوں پر 2013 سے پروموشن کے منتظر کراچی کے سب انسپکٹرز کو نظر انداز کرکہ شہید بینظیر آباد رینج کے 2016 کے اے ایس آئیز کو ترقی دے کر کراچی میں تعینات کرنے کے فیصلے کی سخت مزمت کرتے ہوئے فیصلے کو متعصبانہ اور پاکستان کی معاشی شہ رگ کے خلاف گھناؤنی سازش قرار دیا ہے۔

سید مصطفیٰ کمال نے کہا ہے کہ پیپلزپارٹی سندھ کو آصف زرداری کی جاگیر سمجھ کر چلا رہی ہے ،سندھ حکومت نے تعصب کی انتہا کردی:کوئی پوچھنے والا ہی نہیں جبکہ کراچی کے خود ساختہ ٹھیکیدار بازاری ایم کیو ایم پیپلز پارٹی کے شریک چیئرمین آصف علی زرداری کے ساتھ تصویریں کھنچوانے میں مصروف ہے۔ چالیس سالوں سے مہاجر نام پر ووٹ لے کر اس مینڈیٹ کو بار بار بیچنے والوں کو حشر دیکھیں آج ایک گٹر کا ڈھکن نہیں لگا سکتے۔ جیسے انتخابات قریب آتے ہی صوبہ، کوٹہ، لاپتہ افراد، شہید مہاجر کارکنان، ٹرانسپورٹ، پانی کی عدم دستیابی، اسکول، اسپتال اور کچرا یاد آ جائے گا۔

ان خیالات کا اظہار انہوں نے این اے 240 کے ضمنی انتخابات کے سلسلے میں یوسی 21 برمی کالونی میں عوامی اجتماع سے خطاب کرتے ہوئے کیا۔اس موقع پر این اے 240 سے پی ایس پی کے امیدوار شبیر قائم خانی بھی موجود تھے۔ سید مصطفیٰ کمال نے مزید کہا کہ پیپلز پارٹی شہریوں کو انکا حق دے کر دلوں کو جیتنے کے بجائے سوال کرنے والے سروں کو کچل کر ڈر کے زریعے حکمرانی کو یقینی بنانے پر یقین رکھتی ہے۔ شہری سندھ کی عوام کو انکا جائز بنیادوں پر بھرتیوں، ٹرانسفر اور پوسٹنگ نے صوبے کو سب سے زیادہ وسائل ہونے کے باوجود ترقی کی دوڑ میں سب سے پیچھے دھکیل دیاکوٹہ بھی نہیں دیا گیا۔

ان کا کہنا تھا کہ سیاسی بھرتیوں نے صوبے کے اداروں اور امن و امان کو تباہ برباد کر کے رکھ دیا ہے۔ سرکاری نوکریوں اور حکومتی وسائل کو اپنی حکمرانی کو طول دینے اور سیاسی مخالفین کی آواز دبانے کے لیے استعمال کیا جاتا ہے۔ سندھ کی عوام کا کوئی پرسان حال نہیں ہے۔ سیاسی ہے۔ جن مسائل سے آج بھی شہری سندھ کی عوام پریشان ہیں۔ پاک سرزمین پارٹی اس ظلم کے خلاف ہر پلیٹ فارم پر آواز اٹھائے گی اور پیپلز پارٹی کی متعصبانہ پالیسیوں کے خلاف ہر قانونی راستہ اختیار کرے گی۔

پنجاب سے ڈی سیٹ پی ٹی آئی کے منحرف ارکان کا سپریم کورٹ میں اپیل کا فیصلہ

خواتین پر تشدد کروانے پر عوام میں شدید غصہ پایا جاتا ہے:عمران خان

عمران خان کی سی پی این ای کے نو منتخب عہدیداران کو مبارکباد

مریم نواز کی ایک اور آڈیو لیک