Tag: سیلاب

سینیٹ کی قائمہ کمیٹی موسمیاتی اور ماحولیاتی تبدیلی کا اجلاس ہوا

اجلاس کی صدارت سینیٹر شیری رحمان نے کی،وزیراعظم کی کوآرڈینیٹر موسمیاتی تبدیلی رومینہ خورشید عالم بھی اجلاس میں شریک ہوئیں،ڈی جی محکمہ موسمیات اور چیئرمین این ڈی ایم اے بھی اجلاس میں شریک ہوئے، رومینہ خورشید عالم نے کہا کہ قائمہ کمیٹیاں حکومتی سپورٹ کا ایک بہترین ذریعہ ہیں،مون سون سے متعلق تمام اداروں کے ساتھ میٹنگ ہوئی ہے،تمام صوبوں میں مون سون سے متعلق اقدامات کیے جا رہے ہیں،

ہوا کے دباؤ کے باعث مون سون میں زیادہ بارشوں کا امکان ہے،چیئرمین این ڈی ایم اے
چیئرمین این ڈی ایم اے نے کمیٹی کو بریفنگ دیتے ہوئے کہا کہ جون جولائی میں درجہ حرارت پہلے کی نسبت زیادہ رہا، گلوبل وارمنگ کی وجہ سے ہر سال درجہ حرارت میں اضافہ ہورہا ہے،بحریہ عرب میں ہوا کا شدید دباؤ ہے،ہوا کے دباؤ کے باعث مون سون میں زیادہ بارشوں کا امکان ہے،مون سون کا اسپیل بھارت سے پاکستان میں داخل ہونے کا امکان ہے،جولائی کے پہلے ہفتے میں کچھ مقامات پر ہیوی شاور کے واقعات ہوئے، این ای او سی 6 سے 8 ماہ پہلے ڈیزاسٹرز کی پیشگوئی کرسکتا ہے،جولائی کے دوسرے اور تیسرے ہفتے میں بارشوں کی پیشگوئی ہے،بھارتی دریاوں سے پانی کا بہاؤ بڑھنے کا امکان ہے،جولائی اگست میں چاروں صوبوں میں بارشوں کا امکان ہے،جولائی کے دوسرے ہفتے اور اگست کے تیسرے ہفتے میں پنجاب میں بارش کا امکان ہے،جولائی کے دوسرے ہفتے اور چوتھے ہفتے میں سندھ میں بارش کا امکان ہے،محکمہ موسمیات کے آلات پرانے ہوچکے ہیں، سینیٹر قرت العین مری نے کہا کہ محکمہ موسمیات کی ویب سائٹ دس دس دن اپ ڈیٹ نہیں ہوتی، ڈی جی محکمہ موسمیات نے کہا کہ ہماری ویب سائٹ روزانہ کی بنیاد پر اپ ڈیٹ ہوتی ہے،شیری رحمان نے کہا کہ گرانٹس نہ ہونے کی وجہ سے آلات اپ ڈیٹ نہیں ہیں، محکمہ موسمیات کے آلات اپ ڈیٹ کرنے کیلئے بھاری فنڈز چاہیے تھے،2022 کے سیلاب کے بعد تمام فنڈز سیلاب متاثرہ علاقوں کے لئےمختص کرلیے ،

مون سون میں سیلاب کا ممکنہ خدشہ،وزارت موسمیاتی تبدیلی نے صوبوں سے ریلیف میٹیریل کی لسٹ مانگ لی،رومینہ خورشید عالم نےکہا کہ صوبائی ڈیزاسٹر منیجمنٹ اتھارٹیز کو سیلاب کی صورت میں کن اشیاء کی ضرورت ہوگی، صوبائی حکومتوں، پی ڈی ایم ایز سے ضروری اشیاء کی لسٹ مانگی ہے، صوبائی حکومتوں اور اتھارٹیز کو الرٹ رہنے کی ہدایت کی گئی ہے، چیئرمین این ڈی ایم اے نے کہا کہ دریاوں میں پانی کے بہاو بڑھنے کا اندازہ لگایا جارہا ہے،2022 کے سیلاب کو مدنظر رکھ کر دریاوں کے پھیلاو کا تخمینہ لگایا گیا ہے،دریاوں کے ممکنہ پھیلاو کا ڈیٹا صوبائی حکومتوں کیساتھ شیئر کردیا گیا، کونسی این جی او کو کیا سامان تقسیم کرنا ہے، طے کرلیا گیا ہے،

این ڈی ایم اے نے نیشنل انفراسٹرکچر کی آڈٹ کی تجویز دے دی،این ڈی ایم اے نے صوبائی حکومتوں کو مراسلہ لکھ دیا،چیئرمین این ڈی ایم اے نے سینیٹ کی قائمہ کمیٹی برائے موسمیاتی تبدیلی کو بریفنگ دی اور کہا کہ رہائشی عمارتوں ، کمرشل عمارتوں کا آڈٹ کروایا جائے، این ڈی ایم اے نے نیشنل ہائی ویز اور پلوں کے آڈٹ کروانے کی تجویز دی ہے،یہ پتہ لگانا ضروری ہے کہ گزشتہ سیلاب سے انفراسٹرکچر کو کیا نقصان پہنچا،

مارگلہ ہلز میں 22 آگ لگنے کے واقعات،22 جولائی سے شجرکاری مہم شروع کرینگے،چیئرمین سی ڈی اے
محمد علی رندھاوا چیئرمین سی ڈی اے نے کمیٹی کو بریفنگ دیتے ہوئے کہا کہ مارگلہ ہلز میں 22 آگ لگنے کے واقعات ہیٹ ویو کے دوران ہوئے،کچھ چھوٹی اور کچھ بڑے پیمانے پر آگ تھی،ہمیں مارگلہ ہلز کا تحفظ کرنا ہے، ہم مارگلہ ہلز کے لیے ماہرین کو لا رہے ہیں،ہم نے 11 کے قریب ایف آئی آر بھی کروائیں،شیری رحمان نے کہا کہ آگ لگ کیوں رہی ہے وجہ بتائیں ممبران کو بتائیں، چیئرمین سی ڈی اے نے کہا کہ آگ لگنے کی وجوہات کچھ نیچرل تھی اور کچھ جان بوجھ کر لگائی گئی،ہم تفصیلی انکوائری کی طرف جا رہے ہیں،تین بندے گرفتار کیے ہیں،
وزارت موسمیاتی تبدیلی سے بھی بات چیت ہے معاملے پر،این ڈی ایم اے سے بھی ماہرین لے رہے ہیں،مارگلہ ہلز پر شجرکاری کی ضرورت ہے اور یہ ہماری اولین ترجیح ہے،پھل دار درخت اور سایہ دار درخت لگے گا،سفیدہ اور میلبری ہم نہیں لگا رہے، شیری رحمان نے کہا کہ پاکستان میں ایک بڑا سب سے پراجیکٹ ہے اور وہ ہے مینگرروز،کاربن ایک الگ سبجیکٹ ہے،چیئرمین سی ڈی اے نے کہا کہ جکرانڈہ، شیشم، نیم کے درخت لگا رہے ہیں،اور بھی متعدد درخت ہیں جلد ہی تمام تفصیلات فراہم کریں گے،ہم اس بار صرف مارگلہ ہلز پر شجرکاری کریں گے،22 جولائی سے شجرکاری مہم مارگلہ ہلز پر شروع کریں گے،

ممبر کمیٹی ڈاکٹر زرقا نے کہا کہ وزارت موسمیاتی تبدیلی اور محکمہ جنگلات میں کتنے لوگ ہیں جو درختوں کے بارے میں جانتے ہیں، میں نے اپنی جیب سے ڈیڑھ لاکھ درخت مری ہلز میں لگوائے،شیری رحمان نے کہا کہ ہمیں کمیٹی اجلاسوں کے لیے 31 جولائی سے پہلے بکنگ کروانا ہوگی،چیئرپرسن اسلام آباد وائلڈ لائف مینجمنٹ بورڈ رائنا سعید نے کہا کہ ایک ایکو لوجیکل پلان کی ضرورت ہے ہمیں، رائنا سعید نے کمیٹی تشکیل دینے کی سفارش کی،

موسمیاتی شعبے میں سرمایہ کاری سے ماحولیات کے تحفظ میں مدد ملے گی، صدر مملکت

مارگلہ ہلز میں آتشزدگی،سینیٹ قائمہ کمیٹی برائے موسمیاتی تبدیلی کانوٹس

موسمیاتی تبدیلی،پرواز میں ہچکولے،رخ موڈ دیا گیا، 30 مسافر زخمی

سپریم کورٹ، موسمیاتی تبدیلی کیلئے اٹھائے گئے اقدامات کی تفصیلات طلب

سابق سینیٹر جمال خان لغاری کی رومینہ خورشید عالم سے ملاقات

ہم ماحولیاتی تحفظ کے لیے اپنے عزم پر قائم ہیں،رومینہ خورشید عالم

امن کی فاختہ میڈیا ، چھوٹی سی خبر کسی کی زندگی تباہ بھی کر سکتی ، بچا بھی سکتی ، رومینہ خورشید عالم

موسمیاتی ایکشن میں صنفی شمولیت کیلیے پاکستان کا عزم غیر متزلزل ہے۔رومینہ خورشید عالم

موسمیاتی تبدیلی پردنیا سے امداد نہیں تجارت چاہیے،رومینہ خورشید عالم

گرمی کی لہر،مون سون کیوجہ سے سیلاب کے خطرات،عوامی آگاہی مہم شروع کرنیکا حکم

سینیٹ کی قائمہ کمیٹی برائے آبی وسائل کا اجلاس چیئرمین سینیٹر شہادت اعوان کی زیر صدارت ہوا

اجلاس میں وزارت کی طرف سے حکام نے کمیٹی کو بریفنگ دی،چیئرمین کمیٹی شہادت اعوان نے وفاقی وزیر اور وزارت آبی وسائل حکام کی عدم شرکت پر برہمی کا اظہار کیا، سینیٹر فیصل واوڈا نے کہا کہ وزارت کے حکام کی طرف سے کمیٹی میں شرکت نہ کرنا قابل افسوس ہے ، چیئرمین کمیٹی ملک شہادت اعوان نے کہا کہ وزارت کے حکام کو کمیٹی کو نظر انداز نہیں کرنے دیں گے،وزارت کے حکام کی بریفنگ پر کمیٹی نے عدم اطمینان کا اظہار کر دیا،کمیٹی نے فلڈ کمیشن چیئرمین سے دس سال کی کارکردگی رپورٹ طلب کر لی

چیئرمین کمیٹی شہادت اعوان نے کہا کہ مون سون شروع ہو چکا ہے اس لیے ایک ہفتہ پہلے میٹنگ رکھی ہے،کمیٹی میٹنگ کا مقصد یہی ہے کہ پیشگی اقدامات کیے جائیں، رکن اسمبلی نے کہا کہ جب بھی سیلاب آتا ہے سندھ اور پنجاب ڈوب جاتا ہے، جہاں سے سیلاب شروع ہوتا ہے بتائیں وہاں کیا اقدامات کر رہے ہیں، حکام نے کہا کہ فلڈ مینجمنٹ کا مطلب ہے دریا میں پانی کی مینجمنٹ ہے، جب بارش ہوتی ہے تو اس کا باقاعدہ ریکارڈ مرتب کیا جاتا ہے، ریکارڈ کی بنیاد پر محکمہ موسمیات فورکاسٹ جاری کرتا ہے، فلڈ مینجمنٹ صوبائی اریگیشن ڈیپارٹمنٹ کے انڈر آتی ہے، سینیٹر مہمند ہمایوں نے کہا کہ کیا آپ کو یہ اندازہ ہوتا ہے کہ کس جگہ کتنا پانی آتا ہے، آپ کا 90 فیصد پانی تربیلا سے نیچے آتا ہے، حکام نے کہا کہ ہم نے ہر سال 20 اگست تک تربیلا کو فل کرنا ہوتا ہے، اگر مزید بارش ہوتو تربیلا سے کچھ پانی ریلیز کرکے ریزروائر میں جمع کر لیتے ہیں، آر بی او ڈی ون اور ٹو کے نقصانات ابھی تک بحال نہیں ہوئے، ہمارے خیال میں اس معاملے میں کچھ بے ضابطگیاں ہوئی ہیں، آبی وسائل کمیٹی نے بے ضابطگیوں کی رپورٹ طلب کر لی

رکن اسمبلی نے کہا کہ کالام میں جو ہوٹل سیلاب میں بہہ گئے تھے وہ تجاوزات پر تھے، سیلاب سے بچنے کیلئے ایسی تجاوزات کا خاتمہ کب کیا جائے گا،چیئرمین کمیٹی نے کہا کہ تجاوزات کا خاتمہ وفاقی حکومت کا کام تھا، سیٹلائٹ کے ذریعے سے بھی تجاوزات کی تفصیلات لیں گے،سپریم کورٹ نے بھی تجاوزات کی رپورٹ طلب کی تھی،تجاوزات نہ ہوتی تو پانی سیدھا سیدھا گزر جاتا، 2010 کے بعد کی بیرونی امداد کو مکمل طور پر خرچ کیا گیا، چیئرمین فیڈرل فلڈ کمیشن نے کہا کہ اگر تو صوبے سیلاب کا مسئلہ حل کر سکتے ہیں تو انہیں کرنا چاہئیے، اگر صوبے مسئلہ حل کرسکتے ہیں تو نیشنل لیول کےادارے ختم کر دیں،چیئرمین کمیٹی نے کہا کہ فیڈرل فلڈ کمیشن کا بھی کچھ کام ہے کرنے کا ، فیڈرل فلڈ کمیشن کو اتنا بڑا مینڈیٹ دیا ہوا ہے،اگر فیڈرل فلڈ کمیشن کو مزید سٹاف چاہئیے ہوگا تو اس کی بھی سفارش کریں گے،

فلڈ کمیشن کی ساری رپورٹس کاپی پیسٹ ہیں،یہاں تک کہ رپورٹس میں اے بی سی بھی تبدیل نہیں کی گئی،چیئرمین قائمہ کمیٹی
چیئرمین فیڈرل فلڈ کمیشن احمد کمال نے کمیٹی کو بریفنگ میں کہا کہ این ایف پی پی پلان کو اپڈیٹ کیا گیا ،375 نئے منصوبے سامنے آئے ہیں جس کیلئے 825 ارب درکار ہونگے،ابھی تک ان منصوبوں پر فارن ڈونر کی جانب سے حامی نہیں بھری گئی،فیز ون میں 170 منصوبے رکھے گئے ہیں،پنجاب کے بارہ اضلاع کیلئے منصوبے شامل ہیں،کچھ منصوبوں کے پی سی ون منظور کرکے پلاننگ ڈویژن کو بھیجوائے گئے ہیں،چیئرمین کمیٹی شہادت اعوان نے کہا کہ چیئرمین صاحب آپ نے 2021 کی ایک پریزنٹیشن تیار کی تھی وہی دوبارہ آج پیش کردی،اسکیموں کی تفصیل ہمارے ساتھ شیئر کی جائے ،کام ہمارا ہے لیکن ہمیں ڈونر ڈھونڈنا پڑھ رہے ہیں، میں نے کمیشن کی 2017 سے آج تک کی تمام سالانہ رپورٹس دیکھی ہیں، فلڈ کمیشن کی ساری رپورٹس کاپی پیسٹ ہیں،یہاں تک کہ رپورٹس میں اے بی سی بھی تبدیل نہیں کی گئیں،ہر سال فیڈرل فلڈ کمیشن اربوں روپے کا فنڈ مانگتا ہے، کچھ کام تو فلڈ کمیشن کو بھی کرنا چاہئیے نا،

کمیٹی کو بریفنگ کے دوران بتایا گیا کہ ربیع اور خریف سیزن میں پانی کی مقدار زیادہ ہوتی ہے،دونوں سیزن میں ایک سو ملین کیوبک پانی ہوتا ہے،سینیٹر ہمایوں مہمند نے کہا کہ مصر کے پاس ہمارے آدھے سے بھی کم پانی ہے لیکن وہ زیادہ زمین کیسے سیراب کرتے ہیں،منگلا ڈیم ہر پانچ سال میں ایک بار بھرتا ہے،ممبر کمیٹی نے کہا کہ سندھ اور بلوچستان رو رہے ہیں پانی کیلئے،کوٹ مٹھن پر اگر ایک ڈیم بن جائے تو یہ مسائل حل ہوسکتے ہیں،دنیا میں پاکستان کے علاوہ ڈیم کیلئے قدرتی جگہ نہیں ہے،کالا باغ ڈیم میں پانی اسٹوریج کی صلاحیت باقی ڈیموں کی نسبت زیادہ ہوسکتی ہے،

خدا نہ کرے مون سون سیزن بہت بڑی تباہی لے کر آرہا ہے،فیصل واوڈا
سینیٹر فیصل واوڈا نے کہا کہ آئندہ مون سون متعلق کوئی تیاری نظر نہیں آرہی،خدا نہ کرے مون سون سیزن بہت بڑی تباہی لے کر آرہا ہے،مون سون متعلق کوئی تیاری نہیں اس متعلق پریس ریلیز میں بھی ذکر کیا جائے، نالے صفائی کرنے سے تباہی رکے گی نہیں،چیئرمین کمیٹی شہادت اعوان نے کہا کہ فیڈرل فلڈ کمیشن کا کہنا ہے پورا اسٹاف نہیں ہے کم اسٹاف سے کام چلا رہے ہیں،وفاقی وزیر آبی وسائل مصدق ملک نے کہا کہ ذمہ داری میری ہے میں مانتا ہوں،خالی پوسٹوں کو فل کیا جائے گا،اگلے اجلاس میں بھرتیوں متعلق تمام پلان لے کر آوں گا،چیئرمین کمیٹی نے کہا کہ یکم جولائی سے مون سون شروع ہونا ہے،تیس جون تک کمپلائنس رپورٹ مانگی جائے مون سون سے بچاؤ کیلئے اقدامات کیا ہیں،

رپورٹ، محمد اویس، اسلام آباد

عدالتی وقت کے بعد ٹرائل کیوں ہوا یہی کافی ہے کیس سزا معطلی کا ہے، وکیل سلمان صفدر

عدت کیس میں فیصلہ کرنے کیلیے 12 جولائی تک کا وقت ہے،جج

دوران عدت نکاح کیس،خاور مانیکا 21 جون کو طلب،پیش نہ ہوئے تو فیصلہ ہو گا،عدالت

دوران عدت نکاح کیس،سزا کیخلاف اپیلوں پر دس دن میں فیصلے کا حکم

دوران عدت نکاح کیس،بشریٰ بی بی کے بعد عمران خان کی بھی اپیل دائر

زلفی بخاری میری بیٹیوں کو کالز کرتا ہے، خاور مانیکا عدالت میں پھٹ پڑے

بشریٰ بی بی کو سزا،خاور مانیکا کا ردعمل،نااہلی کے فیصلے پر حیران

وزیر اعظم کی کوآرڈینیٹر برائے موسمیاتی تبدیلی اور ماحولیاتی رابطہ رومینہ خورشید عالم نے گلوبل وارمنگ اور گرمی کی لہر پر ٹاسک فورس کے دوسرے اجلاس کی صدارت کی اور تمام متعلقہ وفاقی اور صوبائی محکموں پر زور دیا کہ وہ مون سون کیوجہ سے سیلاب کے خطرات، اشیاء ضروریہ کے ذخائر اور گرمی کی لہر سے نمٹنے کی تیاریوں کو یقینی بنائیں۔

وزیراعظم کی کوآرڈینیٹر نے جنوبی پنجاب، سندھ اور بلوچستان صوبوں میں سیلاب کے خطرات کے حوالے سے این ڈی ایم اے کے نیشنل ایکشن پلان پر تمام متعلقہ اداروں کو بروقت عملدرآمد پر زور دیا۔ انہوں نے ہنگامی حالات کے دوران متعلقہ وفاقی اکائیوں کے ذریعے قائم کیے جانے والے میڈیکل ریلیف کیمپوں میں لیڈی ہیلتھ ورکرز، مڈوائف کو شامل کرنے پر بھی زور دیا۔ تمام صوبائی ڈیزاسٹر مینجمنٹ اتھارٹیز نے میٹنگ کو اپنے ہنگامی ایکشن پلان اور اشیاء ضروریہ کی تیاریوں سے آگاہ کیا۔

وزیر اعظم کی کوآرڈینیٹر نے وزارت اطلاعات و نشریات کو ہدایات کی کہ وہ وقت سے پہلے پیمرا کے ساتھ مل کر ایک موثر عوامی آگاہی مہم شروع کرے۔ وزیر اعظم کی کوآرڈینیٹر نے ملک کے مختلف حصوں بالخصوص خیبرپختونخوا، آزاد جموں و کشمیر اور گلگت بلتستان میں جنگلات کی کٹائی اور لکڑی کی غیر قانونی کٹائی کا بھی نوٹس لیا اور آئی جی فارسٹ کو ہدایت کی کہ وہ اس موضوع پر تمام اسٹیک ہولڈرز کے ساتھ رابطہ کریں اور عید کی چھٹیوں کے بعد رپورٹ پیش کریں۔ انہوں نے سائنس اور ٹیکنالوجی کی وزارت کو فضائی فائر فائٹنگ کے لیے جدید ٹیکنالوجی پر مشتمل حل کی ہدایات دیں۔

ہم ماحولیاتی تحفظ کے لیے اپنے عزم پر قائم ہیں،رومینہ خورشید عالم

امن کی فاختہ میڈیا ، چھوٹی سی خبر کسی کی زندگی تباہ بھی کر سکتی ، بچا بھی سکتی ، رومینہ خورشید عالم

موسمیاتی ایکشن میں صنفی شمولیت کیلیے پاکستان کا عزم غیر متزلزل ہے۔رومینہ خورشید عالم

موسمیاتی تبدیلی پردنیا سے امداد نہیں تجارت چاہیے،رومینہ خورشید عالم

سابق سینیٹر جمال خان لغاری کی رومینہ خورشید عالم سے ملاقات