آزاد کشمیر میں بھی آئیگی تبدیلی،سردارتنویر الیاس کیخلاف عدم اعتماد کا فیصلہ ہو گیا

آزاد کشمیر میں بھی آئیگی تبدیلی،سردارتنویر الیاس کیخلاف عدم اعتماد کا فیصلہ ہو گیا

باغی ٹی وی کی رپورٹ کے مطابق وزیراعظم آزاد کشمیر سردار تنویر الیاس کے خلاف عید کے بعد تحریک عدم اعتماد لائی جائے گی

باخبر ذرائع کے مطابق وزیراعظم آزاد کشمیر سردار تنویر الیاس کے خلاف تحریک عدم اعتماد لانے کے لئے ہوم ورک مکمل کر لیا گیا ہے، تحریک انصاف کے 9 اراکین اسمبلی نے مسلم لیگ ن سے رابطہ کیا ہے اور یقین دہانی کروائی ہے کہ وزیراعظم آزاد کشمیر کے خلاف تحریک عدم اعتماد لائے جائے گی تو وہ ن لیگ کا ساتھ دیں گے، ن لیگ کی قیادت نے حتمی فیصلہ کر لیا ہے کہ عید کے بعد تحریک عدم اعتماد پیش کی جائے گی اور آزاد کشمیر سے بھی تحریک انصاف کی حکومت کا خاتمہ کیا جائے گا،

سردار تنویر الیاس وزیراعظم آزاد کشمیر ہیں، انہیں عمران خان کا اے ٹی ایم بھی کہا جاتا ہے، سردار تنویر الیاس عبد القیوم نیازی کے خلاف تحریک عدم اعتماد کامیاب کروا کر وزیراعظم بنے تھے، اب ن لیگ سمیت اتحادی جماعتوں نے فیصلہ کر لیا ہے کہ عید کے بعد آزاد کشمیر میں بھی تبدیلی لائی جائے گی،اور اس میں اہم کردار پی ٹی آئی کے اراکین کا ہی ہو گا، باغی ٹی وی کے باخبر ذرائع کے مطابق پی ٹی آئی کے اراکین نے ن لیگی رہنماؤں سے ملاقاتیں کی ہیں اور انہیں بھر پور یقین دہانی کروائی ہے کہ آزاد کشمیر میں پی ٹی آئی حکومت کے خاتمے کے لئے وہ انکے ساتھ ہیں، وزیراعظم آزاد کشمیر سردار تنویر الیاس عمران خان کے قریب ہیں لیکن آزاد کشمیر کے اراکین اسمبلی سے دور ہیں، اس وجہ سے اراکین اسمبلی نالاں ہیں کیونکہ انکے کاموں پر کوئی توجہ نہیں دی جا رہی،

واضح رہے کہ اپوزیشن نے وزیراعظم عمران خان کے خلاف تحریک عدم اعتماد جمع کروائی تھی جو کامیاب ہو چکی ہے اور شہباز شریف وزیراعظم بن چکے ہیں پنجاب میں وزیراعلی کے خلاف عدم اعتماد جمع ہوئی تو عثمان بزدار نے استعفی دے دیا ا اور حمزہ شہباز وزیراعلیٰ بن گئے، اسد قیصر اور قاسم سوری کے خلاف تحریک عدم اعتماد جمع ہوئی تو انہوں نے استعفیٰ دے دیا،

آپ اتنا مت گھبرائیں،فارن فنڈنگ کیس میں عدالت کا پی ٹی آئی وکیل سے مکالمہ

فارن فنڈنگ کیس،باہر سے پیسہ آیا ہے لیکن وہ ممنوعہ ذرائع سے نہیں آیا،پی ٹی آئی وکیل

فارن فنڈنگ کیس کا فیصلہ 30 روزمیں کرنے کا حکم اسلام آباد ہائیکورٹ میں چیلنج

فارن فنڈنگ کیس، فیصلہ 30 روز میں کرنے کے فیصلے کیخلاف اپیل سماعت کیلئے مقرر

فارن فنڈنگ کیس میں بھی عمران خان کو اب سازش نظر آ گئی، اکبر ایس بابر