طیارہ حادثہ، تحقیقات کا دائرہ وسیع،بلیک باکس کا حصہ مل گیا

باغی ٹی وی کی رپورٹ کے مطابق کراچی میں تباہ ہونے والے پی آئی اے طیارہ حادثے کی تحقیقات کا دائرہ مزید وسیع کر دیا گیا۔

فرانسیسی ماہرین نے جائے حادثہ کا دورہ کیا، بلیک باکس کا ایک حصہ مل گیا۔ فرانسیسی ٹیم کی 11 رکنی ٹیم جائے حادثہ پہنچی جہاں پی آئی اے کی تحقیقاتی ٹیم کے اراکین بھی ان کے ہمراہ موجود تھے، ملبہ اٹھانے کیلئے ہیوی مشینری جائے حادثہ پہنچا دی گئی، جہاز کے انجن، لینڈنگ گیئرز، ونگز کو چیک کیا گیا، بلک باکس اور وائس ریکارڈر کے ذریعے بات چیت پر بھی غور کیا گیا، ٹیم کے پاس جدید آلات موجود تھے، پی آئی اے کی جانب سے ٹیم کو تکنیکی معاونت دی گئی

تحقیقات کیلئے پاکستان آئی فرانسیسی ٹیم نے پی آئی اے حکام سے بریفنگ لیتے ہوئے اے 320 کا مکمل ریکارڈ طلب کر لیا ہے۔ فرانسیسی ٹیم کی جانب سے پوچھا گیا کہ اے 320 طیارہ ایک سال میں کتنی بار گراؤنڈ کیا گیا؟ طیارہ میں چیک لسٹ کے مطابق کن کن خرابیوں پر کام کیا گیا؟ گزشتہ سال کے دوران انجن نے دوران پرواز کتنے سائیکل مکمل کیے؟

اس کے علاوہ فرانسیسی ٹیم نے طیارے کو کتنی بار چیکنگ کے مراحل سے گزارا گیا؟ لینڈنگ گیئر کی کتنی بار تکنیکی بنیادوں پر سروس کی گئی؟ طیارے کی اہم ٹیکنیکل سروسز میں کن انجینئرز نے کام کیا؟ تکنینکی خرابیوں کو دور کرنے کے لئے کیا وسائل اور پرزہ جات استعمال کیے گئے؟ طیارہ درست کیے جانے کے بعد سول ایوی ایشن نے اسے مل ایئر وردی نیس قرار دیا؟ طیارے کے تمام الارمنگ سسٹم میں کبھی خرابی پیدا ہوئی؟ سمیت اہم سوالات پوچھے ہیں۔

دوسری جانب تحقیقاتی ٹیم کو کاک پٹ وائس ریکارڈ کی تلاش ہے، بلیک باکس کے اس دوسرے حصے میں تحقیقات میں مدد مل سکے گی، بلیک باکس کا ایک حصہ فائل ڈیٹا ریکارڈ حادثے کے دوسرے روز ملبے سے مل گیا تھا، 6 روز بعد بھی کاک پٹ وائس ریکارڈ نہ مل سکا، کاک پٹ وائس ریکارڈ سے پائلٹ اور معاون پائلٹ دوران پرواز گفتگو کا پتہ چل سکے گا۔

واضح رہے کہ 22 مئی کو قومی ائیر لائن کی لاہور سے کراچی جانے والی پرواز ائیرپورٹ سے ملحقہ آبادی پر گر کر تباہی کا شکار ہو گئی تھی جس کے نتیجے میں عملے کے 8 ارکان سمیت 97 افراد جاں بحق ہو گئے تھے جبکہ 2 مسافر زندہ بچ گئے تھے