تحریک اللہ اکبر کے زیر سایہ روزانہ 10 ہزار افراد کیلئے سحر و افطار

قصور
تحریک اللہ اکبر پاکستان ضلع قصور کے زیرِ اہتمام ضلعی صدر حافظ ابو القاسم کے زیر سایہ روزانہ ضلع بھر میں 10 ہزار افراد کیلئے سحر و افطار کا انتظام،ڈی ایچ کیو ہسپتال قصور میں روزانہ 4 سو افراد کی سحری و افطاری ،پورے ضلع میں سحر و افطار لوگوں کے گھروں میں پہنچائے جانے کا سلسلہ جاری

تفصیلات کے مطابق تحریک اللہ اکبر پاکستان ضلع قصور کے زیر اہتمام ضلعی صدر حافظ ابوالقاسم کے زیر سایہ پورے ضلع میں 10 ہزار افراد کیلئے سحر و افطار کا انتظام کیا جاتا ہے
ڈی ایچ کیو ہسپتال قصور میں محمد ظفر راہنما تحریک اللہ اکبر سٹی قصور کے زیر سایہ روزانہ 4 سو افراد کی سحری و افطاری کا بندوبست کیا جاتا ہے اور مستحق و غریب افراد کے گھروں تک بھی کھانا پہنچایا جاتا ہے جبکہ ان کا کہنا ہے کہ رمضان کے علاوہ ہسپتال میں فری دسترخوان لگایا جاتا ہے
کنگن پور میں امجد شہزاد سٹی راہنما کے زیر سایہ روزانہ سینکڑوں لوگوں کو ان کے گھروں میں کھانا پہنچایا جاتا ہے
اسی طرح ٹی ایچ کیو چونیاں،پتوکی،بھائی پھیرو،کوٹ رادہاکشن،چھانگا مانگا و ضلع کے تمام شہروں دیہاتوں میں لوگوں کو سحر و افطار ان کے گھروں تک پہنچایا جاتا ہے
ضلعی صدر تحریک اللہ اکبر قصور حافظ ابوالقاسم کا کہنا ہے کہ ہم جذبہ خدمت انسانیت کے تحت یہ کام خالص اللہ کی رضا کی خاطر بغیر کسی ذاتی مفاد کے کر رہے ہیں اور یہ کام رمضان کے بعد بھی جاری رہے گ نیز غرباء و مساکین کیلئے عید پیکج تیار کیا جائے گا جس میں راشن اور نقدی مستحقین کے گھروں پہنچائی جائے گی تاکہ غریب افراد بھی عید کی خوشیاں دیکھ سکیں