تھانہ صدر قصور میں ڈاکو راج قائم،لوگوں گھروں تک محدود

قصور
تھانہ صدر کے علاقے میں ڈاکو بے لگام ،دن رات لوگ لٹنے لگے،چند دن قبل شہری سے موٹر سائیکل،نقدی اور لہنگے لوٹنے والے ڈاکوؤں کو گرفتار کرنے کا مطالبہ

تفصیلات کے مطابق قصور کے تھانہ صدر میں ڈاکو بے لگام ہو چکے ہیں
کئی ماہ سے لوگوں کو ڈاکو دن رات لوٹنے میں مصروف ہیں جبکہ پولیس خاموش تماشائی بنی ہوئی ہے جس کے باعث شہری گھروں میں محصور ہو کر رہ گئے ہیں
بتاریخ 13/2/2022 کو شہری محمد نعیم ولد محمد سلیم سکنہ شیخ بھاگو جو کہ لہنگوں کا کام کرتا ہے لہنگے لینے کے بعد اپنی موٹر سائیکل سی جی ون 125 نمبر ahw 5481 ماڈل 2021 پر تھانہ صدر کے علاقے کھارا سے بھلو کی جانب جا رہا تھا کہ سی ڈی 70 موٹر سائیکل پر سوار ڈاکوؤں نے اسے اسلحہ کے زور پر روکا اور موٹر سائیکل, نقدی 30 ہزار اور 20 عدد تیار لہنگے لوٹ کر فرار ہو گئے
بڑھتی ہوئی وارداتوں کے پیش نظر شہری سخت پریشان ہیں اور اپنے گھروں تک محصور ہو کر رہ گئے
شہریوں نے ڈی پی او قصور محمد صہیب اشرف سے مطالبہ کیا ہے کہ علاقے میں امن و امان کی صورتحال کو یقینی بنایا جائے جو کہ پولیس کا اولین فرض ہے
نیز لٹنے والے شہری نے تھانہ صدر پولیس سے مطالبہ کیا ہے کہ جلد سے جلد ڈاکوؤں کو گرفتار کرکے ان سے موٹر سائیکل،نقدی و لہنگے برآمد کرکے واپس کئے جائیں