منتخب نمائندوں کی’خرید وفروخت’حیران کن بات نہیں: مودی اوراس کےساتھی جرم نہیں‌ سمجھتے:عمرعبداللہ

سری نگر:منتخب نمائندوں کی ‘خرید و فروخت’ کوئی حیران کن بات نہیں:مودی اوراس کے ساتھی اسے جرم نہیں‌ سمجھتے: عمرعبد اللہ نے منتخب نمائندوں کی خریدوفروخت کے بارے میں حیران کن گفتگو کرکے مودی اوراس کے یاروں کو ان کی حقیقت بتلادی ہے ،

اسی حوالے سے نیشنل کانفرنس کے نائب صدر و سابق وزیر اعلیٰ عمر عبداللہ نے کہا کہ ڈسٹرک ڈیولپمنٹ کونسل (ڈی ڈی سی) کے چیئرمینوں کے انتخابات میں منتخب نمائندوں کی ‘خرید و فروخت’ کوئی حیران کن بات نہیں ہے۔

انہوں نے سری نگر اور شوپیاں اضلاع میں چیئرمین کاعہدہ جیتنے والی ‘اپنی پارٹی’ یا اس کی حمایتی جماعت بی جے پی کا نام لئے بغیر کہا کہ ‘یہ لوگ 1984 سے منتخب نمائندوں کی خرید و فروخت کا کاروبار کرتے آئے ہیں’۔

عمر عبداللہ نے اتوار کو اپنے ایک ٹوئٹ میں کہا کہ ‘شوپیاں ڈی ڈی سی انتخابات، یہاں تک کہ اس معاملے کے لئے سری نگر بھی، واقعی حیران کن نہیں ہیں۔ یہ لوگ 1984 سے منتخب نمائندوں کی خرید و فروخت کا کاروبار کرتے آئے ہیں، پریکٹس کامل بناتی ہے’۔

واضح رہے کہ جموں و کشمیر میں ہفتے کو پانچ ڈی ڈی سی چیئرمینوں اور ڈپٹی چیئرمینوں کے انتخابات کے پہلے مرحلے میں اپنی پارٹی اور بی جے پی نے دو دو نشستوں پر قبضہ کیا، جبکہ ایک نشست سی پی آئی (ایم) کو ملی۔

وادی کے تین اضلاع سری نگر، شوپیاں اور کولگام میں پہلے مرحلے میں ڈی ڈی سی کے چیئرمینوں کا انتخاب عمل میں لایا گیا، جس کے دوران سری نگر اور شوپیاں کی نشستوں پر سید محمد الطاف بخاری کی سربراہی والی اپنی پارٹی نے قبضہ جما کر گپکار اتحاد کے امیدواروں کو شکست دی، جبکہ کولگام میں گپکار اتحاد کی حمایت یافتہ سی پی آئی ایم نے جیت درج کی۔

گپکار اتحاد کا الزام ہے کہ بی جے پی کی حمایت یافتہ ‘اپنی پارٹی’ نے گپکار اتحاد اور بحیثیت آزاد امیدوار منتخب ہونے والے ڈی ڈی سی اراکین کو خریدنا شروع کر دیا ہے۔

گپکار اتحاد میں شامل اہم ترین جماعت نیشنل کانفرنس نے منتخب ڈی ڈی سی ممبران کی دلبدلی کا معاملہ جموں و کشمیر چیف الیکشن کمشنر کے کے شرما کے ساتھ اٹھایا ہے اور ان پر زور دیا ہے کہ ایسے معاملات کی جانچ کر کے قانون کے مطابق کارروائی عمل میں لائی جائے، کیونکہ ایسے معاملات عوام کے منڈیٹ اور جمہوریت کی توہین کے مترادف ہیں

اس کے بعد صدارتی آرڈیننس کے ذریعے اس بات کویقینی بنانے کے لیے کہ منتخب ارکان بکاومال نہ بنیں شو آف ہینڈ کے ذریعے ووٹ کاسٹ کریں‌گے

جواب چھوڑیں

آپ کا ای میل ایڈریس شائع نہیں کیا جائے گا.