ہمارے دروازے کھلے ہیں:الیکشن کمیشن نے سینیٹ انتخابات کیلئےکاغذات نامزدگی درخواستیں مانگ لیں

اسلام آباد:ہمارے دروازے کھلے ہیں:الیکشن کمیشن نے سینیٹ انتخابات کیلئےکاغذات نامزدگی درخواستیں مانگ لیں ،اطلاعات کے مطابق الیکشن کمیشن نے کہا ہے کہ سینیٹ انتخابات کیلئے کاغذات نامزدگی کی فراہمی آج سے شروع ہوگئی، انتخابی پروگرام 11 فروری کو جاری کیا جائے گا۔

الیکشن کمیشن کے مطابق اسلام آباد کے لئے کاغذات نامزدگی مرکزی سیکرٹریٹ سے وصول کیے جا سکتے ہیں، صوبائی نشستوں کیلئے صوبائی الیکشن کمشنرز کے دفاتر سے کاغذات نامزدگی وصول کیے جا سکیں گے، کاغذات نامزدگی جمع کراتے وقت پارٹی ٹکٹ منسلک کریں، آزاد حیثیت سے سینیٹ الیکشن میں حصہ لینے والے پارٹی ٹکٹ سے مستثنیٰ ہیں۔

الیکشن کمیشن نے سینیٹ انتخاب کیلئے اخراجات کی حد 15 لاکھ مقرر کر دی۔ ای سی پی کے مطابق امیدوار انتخابی اخراجات کے لئے کسی بھی بینک میں مخصوص اکاؤنٹ کھلوائیں، امیدوار کے لئے ضروری ہے کہ اسی بینک اکاؤنٹ سے انتخابی اخراجات کریں۔

یاد رہے کہ دوسری طرف آج سپریم کورٹ میں‌ اوپن بیلٹ کے ذریعے سینیٹ الیکشن کے حوالے سے صدارتی ریفرنس کی سماعت ہوئی جس میں‌ عدالت نے کہا ہے کہ کوئی بھی رکن اسمبلی اپنی مرضی سے ووٹ دے سکتا ہے کوئی قانون اسے کسی دوسری پارٹی کوووٹ دینے سے نااہل نہیں قراردیتا