کرونا نےمعاشی کامیابیوں پرپانی پھیردیا:پٹرول کی عالمی قیمتی مجبورکردیتی ہیں:شوکت ترین

کراچی: کورونا نے معاشی کامیابیوں پرپانی پھیردیا:پٹرول کی عالمی قیمتی مجبورکردیتی ہیں:شوکت ترین کی اہم ترین گفتگو،اطلاعات کے مطابق مشیر خزانہ شوکت ترین نے کہا ہے کہ عالمی سطح پر قیمتیں بڑھیں تو ملک میں پٹرول مزید مہنگا ہوگا، کورونا کی وجہ سے ملکی معیشت منفی ہوئی، ٹیکس دہندگان میں اضافہ کرنا ہمارا ہدف ہے۔ شوکت ترین نے کراچی میں نیا ناظم آباد ہسپتال کا سنگ بنیاد رکھ دیا۔

وزیراعظم کے مشیر برائے خزانہ شوکت ترین کا کہنا تھا کہ3 سال قبل یہ ملک کرائسس کا شکار تھا، ملک میں ڈالر نہیں تھے جس کے سبب آئی ایم ایف کے پاس جانا پڑا۔ کورونا کی وبا نے معیشت کو مزید نقصان پہنچایا، عالمی سطح پر قیمتیں متاثر ہوئیں۔ وزیر اعظم عمران خان کی کورونا کے خلاف مثبت حکمت عملی کو پوری دنیا نے سراہا ، انہوں نے زراعت ، انڈسٹری کو بہت زیادہ سپورٹ کیا جس کے بعد معیشت میں بہتری آئی،۔

انہوں نے کہا کہ پاکستان میں 15 سے 20 لاکھ سالانہ نئی ملازمتیں چاہیں ،ملک کو تسلسل کے ساتھ ترقی کی ضرورت ہے یہ عمل 10 تا 30 سال مسلسل جاری رہنا ضروری ہے۔ دوسرے ممالک نے 30 سال 10 فیصد سے زائد ترقی کی۔ انڈیا اور ترکی سمیت دیگر ممالک کی مثال سامنے ہے۔

مشیر خزانہ کا مزید کہنا تھا کہ زرعی ترقی کیلئےانقلابی اقدامات اٹھائےگئےہیں، ہماری فصلوں کی پیداوارمیں ریکارڈاضافہ ہورہاہے، انکم ٹیکس میں 32فیصد اضافہ ہوا۔ ٹیکس دہندگان میں اضافہ کرناہمارا ہدف ہے۔