بلوچستان سے غمگین کردینے والی خبرآگئی:ہلاکتیں ہی ہلاکتیں

سبی :بلوچستان سے غمگین کردینے والی خبرآگئی ،اطلاعات کے مطابق بلوچستان کے ضلع سبی میں بم دھماکے کے نتیجے میں متعدد افراد جاں بحق ہوگئے ہیں‌

تفصیلات کے مطابق بلوچستان کے ضلع سبی سے افسوسناک خبر موصول ہوئی ہے۔ لیویز ذرائع کے مطابق سبی میں بارودی سرنگ پھٹنے کے نتیجے میں ہوئے دھماکے کی وجہ سے 5 افراد جاں بحق ہوگئے۔

جاں بحق ہونے والے افراد مزدور ہیں۔ بتایا گیا ہے کہ بارودری سرنگ گاڑی کے ٹکرانے سے پھٹی۔ دھماکے کے نتیجے میں گاڑی کو شدید نقصان پہنچا، جبکہ 5 افراد شدید زخمی بھی ہوئے۔ زخمیوں میں سیکورٹی اہلکار بھی شامل ہیں۔

دھماکے کے بعد سیکورٹی فورسز نے علاقے کو گھیرے میں لے لیا۔ جبکہ زخمی افراد اور لاشیں فوری سبی ہسپتال منتقل کر دیے گئے۔