اسلام آباد:اسپیکر قومی اسمبلی نے پی ٹی آئی مستعفی اراکین سے متعلق بڑا دعویٰ کردیا ،اطلاعات کے مطابق اسپیکر قومی اسمبلی راجا پرویز اشرف نے کہا ہے کہ مستعفی پی ٹی آئی کے اراکین اسمبلی میں سے 2 درجن کےقریب ارکان نے رابطے کیے ہیں۔
ذرائع کے مطابق اسپیکر قومی اسمبلی راجا پرویز اشرف نے صحافیوں سے غیر رسمی گفتگو کرتے ہوئے کہا کہ استعفوں کی تصدیق کیلیے عید کے بعد پی ٹی آئی کے اراکین کو بلائیں گے۔
راجا پرویز اشرف نے کہا کہ قومی اسمبلی کی رکنیت سے مستعفی ہونے کا ایک مکمل طریقہ کار ہے، ممبران کے استعفوں کی تصدیق ، دستخطوں پر استفسار ضروری ہے، مکمل تصدیق کے ساتھ ہی استعفیٰ قبول کیا جاتا ہے۔
اسپیکر قومی اسمبلی نے کہا کہ عمران خان سمیت پی ٹی آئی کے تمام مستعفی ایم این ایزکو طلب کیا جائے گا اور ان سے استعفوں کی تصدیق کی جائیگی اس کے بعد ہی ان کے استعفے منظور کیے جائینگے۔
اس موقع پر اسپیکر قومی اسمبلی راجا پرویز اشرف سے سوال کیا گیا کہ کیا پی ٹی آئی کے کچھ ممبران نے آپ سےاستعفےنہ دینے پر رابطہ کیا ہے؟ جس کا جواب دیتے ہوئے انہوں نے کہا کہ میرےاسٹاف سے2 درجن کے قریب ارکان نے رابطے کیے ہیں۔
واضح رہے کہ پی ٹی آئی چیئرمین عمران خان سمیت پی ٹی آئی کے تمام اراکین قومی اسمبلی نے نئے وزیراعظم کے انتخاب کے موقع پر اسمبلی رکنیت سے استعفے دیے تھے۔
کراچی دھماکا، خاتون خود کش بمبار نے کیا، کالعدم تنظیم نے ذمہ داری قبول کر لی
چینی باشندوں کی جان لینے والوں کو پھانسی کے پھندے پر لٹکائیں گے،
کراچی یونیورسٹی میں ایک خاتون کا خودکش حملہ:کئی سوالات چھوڑگیا،
جامعہ کراچی: خودکش حملہ آور خاتون کون تھی؟ اہم انکشافات سامنے آگئے،
کراچی یونیورسٹی میں گزشتہ روز ہونے والے بم دھماکے کی تحقیقات کے لئے ٹیم تشکیل
