اسلام آباد:سابق وزیر اعظم شاہد خاقان عباسی کے قریبی ساتھیوں نے وعدہ معاف گواہ بننے کا فیصلہ کر لیا ہے، ایل این جی اسکینڈل کیس میں وزرات پٹرولیم کے سابق سیکرٹری عابد سعید شاہد خاقان عباسی کے خلاف وعدہ معاف گواہ بن گئے ہیں ۔
قومی احتساب بیورو(نیب ) حکام کے مطابق ایل این جی اسکینڈل کیس میں وزرات پٹرولیم کے سابق سیکرٹری عابد سعید بھی شامل تفتیش ہیں اور وہ سابق وزیراعظم شاہد خاقان عباسی کے خلاف وعدہ معاف گواہ بن گئے.عابد سعید کے علاوہ اور کرداروں کےمتعلق معلوم ہو ا ہے کہ وہ وعدہ معاف گواہ بننے کے لیے تیار ہوگئے ہیں.
ایل این جی معاہدے سے جڑے 4اداروں کے سربراہوں پر بھی تلوار لٹکنے لگی اور شعبہ پٹرولیم کنسیشن انٹر اسٹیٹ گیس سسٹم اور ایل این جی لیمیٹڈ کے سربراہوں کو بھی شامل تفتیش کرنے کا فیصلہ کیا گیا ہے۔
Leave a reply
