لندن:برطانیہ: درجہ حرارت 41 ڈگری تک پہنچ گیا:اسکول،ٹرانسپورٹ بند،ایمرجنسی کا نفاذ،اطلاعات کے مطابق برطانیہ میں درجہ حرارت 41 سینٹی گریڈ تک پہنچنے کی پیش گوئی کے ساتھ رواں ہفتے گرم ترین دن ریکارڈ ہونے کا امکان ہے۔
اس حوالے سے محکمہ موسمیات کی طرف سے آج درجہ حرارت 41C (105.8F) تک رہنے کی پیش گوئی کی گئی ہے، انگلینڈ کا بیشتر حصہ اب بھی سرخ موسم کی پہلی وارننگ کے تحت ہے۔
رات کے وقت کا ریکارڈ راتوں رات ٹوٹ گیا، کیونکہ سرے میں کینلے نے 25.8C (78.4F) بتایا جارہا ہے ، جبکہ Kew Gardens اور Heathrow نے منگل کو دوپہر تک درجہ حرارت 38.8C (101.8F) ریکارڈ کرتے ہوئے پچھلے درجہ حرارت کے پچھلاریکارڈ بھی توڑ دیا ہے
جس سے مراد یہ ہے کہ لوگوں اور انفراسٹرکچر پر وسیع اثرات ہونے کا خدشہ ہے جس کے لیے کام کرنے کے طریقوں اور روزمرہ کے معمولات میں خاطر خواہ تبدیلیاں کرنے کی ضرورت ہے۔
شدید درجہ حرارت کے پیش نظر متعدد اسکول جلد بند ہو گئے ہیں یا ان میں سے بہت نے بالکل بھی نہ کھولنے کافیصلہ کیا ہے، حالانکہ حکومت نے اسکول کھلا رکھنے کے لیے ہدایت جاری کی ہے۔
نیٹ ورک ریل نے شہریوں پر زور دیا ہے کہ پیر اور منگل کو اگر زیادہ ہو تو ہی سفر کریں لندن میں کچھ ریل گاڑیوں نے ٹرین منسوخ کرنے کا پہلے ہی اعلان کیا ہے اور پورے نیٹ ورک پر رفتار کی پابندیاں ہیں۔
بلکہ بعض علاقوں میں ٹرین سروس بند کردی گئی ہے، تفصیلات کے مطابق لندن کے شمال علاقوں کو جانے والی ٹرینیں منسوخ کردی گئی ہیں ایسےہی لندن بلیک فریئرز سے سینٹ پینکراس، یا لندن کنگز کراس یا لندن مورگیٹ سے کوئی تھیمس لنک یا گریٹ ناردرن ٹرینیں نہیں چلیں گی۔
خطرناک ہیٹ ویو:برطانیہ میں ’نیشنل ایمرجنسی‘ نافذ کردی گئی
مرسیریل نے کہا کہ چلنے والی ٹرینوں کی تعداد اور سفرکےاوقات "سنگین طور پر متاثر” ہوں گےاور کچھ راستے مکمل طور پر بند ہو گئے ہیں۔LNER یارک کے جنوب اور لیڈز کے جنوب سے لندن کنگز کراس تک کوئی ٹرین نہیں چلائے گا۔
برطانوی حکام کا حوالہ دیتے ہوئے اسکائی نیوز نے لکھاہے کہ سدرن، ساؤتھ ایسٹرن، ساؤتھ ویسٹرن ریلوے اور گریٹ ویسٹرن ریلوے ان درجنوں ٹرین کمپنیوں میں شامل ہیں جو ملک بھر اب بہت ہی کم ٹرینیں چلارہی ہیں،
ٹرانسپورٹ فار لندن (TfL) نے کہا کہ گرمی سے نمٹنے کے لیے لگائی گئی حفاظتی پابندیوں کی وجہ سے لندن کا ریل نیٹ ورک بھی کم سروس چلا رہا ہے۔
اہور:دوسری ہیٹ ویو کا زور ٹوٹ گیا:آج موسم کیسا رہےگا؟محکمہ موسمیات نے بتادیا
میٹ آفس کی پیشن گوئی کرنے والی ریچل آئرز نے کہا کہ منگل کا دن "بہت ہی بے مثال دن” ہو گا، جہاں انگلینڈ کے مقامات پر درجہ حرارت ممکنہ طور پر 41C (105.8F) تک پہنچ جائے گا۔سکاٹ لینڈ اور ویلز بھی ریکارڈ پر اپنے گرم ترین دن دیکھ سکتے ہیں۔
کراچی میں آج سے 4 روزہ جزوی ہیٹ ویو شروع ہونے کا امکان محکمہ موسمیات
برطانیہ کے علاقے کیمبرج میں 2019 میں درجہ حرارت 38.7 سینٹی گریڈ ریکارڈ کیا گیا تھا جو ملک کا سب سے زیادہ درجہ حرارت تھا۔
