لکھنو: یوپی میں مذہبی مقامات سے 11000 لاؤڈاسپیکر اتار دیئے گئے ہیں-
باغی ٹی وی :بھارتی میڈیا کے مطابق عید، اکشے ترتیا اور دیگر تہواروں سے پہلے لاؤڈ اسپیکر کے خلاف مہم شروع ہو گئی ہے یہ مہم یوپی کے سی ایم یوگی آدتیہ ناتھ کے حکم کے بعد شروع کی گئی ہے ، کہ کسی کو مذہبی تقریبات کی اجازت نہیں دی جائے گی۔
ہندو انتہاپسندوں کا خوف: دلت نوجوان پولیس حصار میں دلہن بیاہنے پہنچ گیا
یوپی پولیس کے اے ڈی جی لاء آرڈر پرشانت کمار نے کہا کہ مذہب کی آڑ میں انتشار پھیلانے والوں سے سختی سے نمٹا جائے گا لوگ اب میرٹھ میں بھی مہم کرنے کے لیے تیار تھے۔ ہم نے اجازت نہیں دی، متھرا میں بھی ایسی کوشش ہو رہی تھی، ہم نے روک دیا۔
رپورٹ کے مطابق یوپی کے علاقے سیتا پور، رائے بریلی، سہارنپور میں مندر اور مسجد دونوں سے لاؤڈ سپیکر ہٹائے جا رہے ہیں۔ پولیس کے کہنے پر الہ آباد کے مشہور ہنومان مندر کے لاؤڈ سپیکر کی آواز کم کر دی گئی اور الہ آباد کی جامع مسجد کے لاؤڈ سپیکر کو اتار دیا گیا ہے۔
بھارت کی معروف سماجی کارکن وموٹیویشنل اسپیکرسبری مالا نے اسلام قبول کرلیا
بھارتی میڈیا کے مطابق صدر مسجد کمیٹی الہ آباد مولانا جاوید عارفی نے کہا کہ انتظامیہ نے سب کیا، ہم ساتھ ہیں۔ ہم نے لاؤڈ سپیکر کو بھی کم کر دیا ہے اور ہٹا دیا بھی ہے نئی گائیڈ لائن کے مطابق کام کرنا ہوگا۔
رپورٹس کے مطابق مذہبی مقامات سے 11,000 لاؤڈ اسپیکر ہٹائے گئےہیں جب کہ 35,000 کی آواز کم کی گئی ہے.
واضح ہوکہ یوپی میں لاؤڈ اسپیکر کے خلاف مہم اس وقت شروع ہوئی جب چیف منسٹر یوگی آدتیہ ناتھ نے عہدیداروں سے کہا کہ ہر کسی کو اپنے مذہبی نظریے کے مطابق عبادت کے طریقہ کار پر عمل کرنے کی آزادی ہے لیکن لوگوں کو اس بات کو یقینی بنانا چاہئے کہ ایسا کرنے سے دوسروں کو تکلیف نہ ہو۔