ایس او پیز کی دھجیاں سیاستدانوں نے اڑائیں :اسدعمر
اسلام آباد: ایس او پیز کی خلاف ورزیاں عام لوگوں سے نہیں سیاستدانوں کی طرف سے ہوئیں:،اطلاعات کے مطابق نیشنل کمانڈ اینڈ آپریشن سینٹر کے سربراہ اسد عمر نے کہا ہےکہ ایک سال میں کورونا ایس او پیز کی بدترین خلاف ورزیاں سیاستدانوں کی طرف سے آئی ہیں۔
ٹوئٹر پر جاری بیان میں اسد عمر نے کہا کہ آزاد کشمیر کے انتخابات چند ماہ ملتوی کرنے کی سفارش کی تھی اور انتخابات سے پہلے ایک خصوصی ویکسی نیشن مہم چلانے کا کہا تھا لیکن اس بات سے اتفاق نہیں کیا گیا۔
Had recommended that AJK elections get postponed for a couple of months and a special vaccination campaign run before the elections. It was not agreed. Since the elections the positivity of AJK is running between 25 and 30%. Elections have acted as a super spreader event.
— Asad Umar (@Asad_Umar) August 12, 2021
انہوں نے کہا کہ انتخابات کے بعد سے آزاد کشمیر میں کوروناکیسز کی شرح میں اضافہ ہوا اور علاقے میں اب کیسز کی شرح 25 سے 30 فیصد کے درمیان چل رہی ہے، آزاد کشمیر میں کورونا پھیلاؤ میں انتخابات نے سپراسپریڈر کے طور پر کام کیا ہے۔
Two weeks back bilawal zardari was threatening to hold PM and ministers accountable if covid spreads further in karachi and now PDM announces holding a jalsa this month in karachi!! Sadly the worst violations of covid sop's in the last one year have come from politicians.
— Asad Umar (@Asad_Umar) August 12, 2021
این سی او سی کے سربراہ کا کہنا تھا کہ بلاول دھمکی دے رہے تھے کہ کراچی میں کورونا پھیلتا ہے تو ذمہ دار وزیر اعظم اور وزرا ہوں گے، اب پی ڈی ایم نے کراچی میں اس ماہ جلسہ کرنے کا اعلان کیا ہے۔
اسد عمر نے کہا کہ ایک سال میں کورونا ایس او پیز کی بدترین خلاف ورزیاں سیاستدانوں کی طرف سے آئی ہیں۔
یاد رہےکہ اس دوران ایسے سیکڑوں واقعات سامنے آئےجن میں یہ دیکھا گیا کہ بڑے ، امیرزادوں اورایسے ہی سیاستدانوں کی طرف سے کورونا سے بچاو کی حفاظتی تدابیرکی دھجیاں بکھیری گئیں جس کی وجہ سے عامتہ الناس بھی متاثرہوئے