والٹن ایئر پورٹ لاہور میگا کرپشن اسکینڈل کے معاملے میں پاکستان سول ایوی ایشن آفیسرز ایسوسی ایشن نے وزیر ہوا بازی خواجہ آصف کو خط لکھ دیا ہے
خط کے مطابق پاکستان سول ایوی ایشن آفیسرز ایسوسی ایشن کسی بھی تحقیقاتی ادارے کے ساتھ مکمل تعاون کرے گی، ایئر کرافٹ اونرز اینڈ آپریٹرز ایسوسی ایشن کے خط میں الزامات کی بھی تصدیق کرتے ہیں،خط میں والٹن ایئر پورٹ کا ریکارڈ فوری قبضے میں لے کر تحقیقاتی اداروں کے حوالے کرنے کا مطالبہ کیا گیا ہے۔
دوسری جانب ترجمان سول ایوی ایشن اتھارٹی نے کہا ہے کہ ڈی جی سول ایوی ایشن پر بدعنوان عناصر کے الزامات نئی بات نہیں، ماضی میں بھی موجودہ ڈی جی سی اے پر بے بنیاد الزامات لگائے گئے ہیں،ترجمان سی اے اے کا کہنا ہے کہ ڈی جی کے خلاف والٹن ایروڈرم کا الزام بھی من گھڑت ہے، ڈی جی سول ایوی ایشن وفاقی سول سرونٹ اور وفاق کے احکامات پر عمل کے پابند ہیں،ڈی جی سول ایوی ایشن پر من گھڑت الزامات لگانے والا زرین گل خود ضمانت پر ہے، زرین گل 54 لاکھ روپے کی خورد برد میں ملوث پایا گیا تھا۔
سول ایویشن پہلے ہی 643 ایکڑ پر محیط نیو والٹن مریدکے ائیروڈوم پر کام جاری رکھے ہوئے ہے
ترجمان سول ایوی ایشن اتھارٹی کا کہنا ہے کہ ماضی میں بھی موجودہ ڈی جی سی اے کیخلاف بے بنیاد الزامات لگائے گئے،جعلی لائسنس ہو یا بینظیر بھٹو انٹرنیشنل ایئرپورٹ سے متعلق اربوں روپے کا الزام، سب محض الزامات ہی تھے،پی آئی اے سے اربوں روپے واپس لینے کا معاملہ ہو یا اسلام آباد انٹرنیشنل ایئرپورٹ زمین کے حوالے سے الزام، سب جھوٹ، بے بنیاد، من گھڑت الزامات ہی رہے،والٹن ائیروڈروم کے حوالے سے،میڈیا میں گردش کرنے والا حالیہ COAP کا خط بھی گمراہ کن، من گھڑت اور مضحکہ خیز ہے،ڈی جی سول ایویشن وفاقی سول سرونٹ ہے جو وفاقی حکومت کے احکامات کو بجا لانے کا پابند ہے،والٹن ایروڈروم کی زمین وفاقی حکومت کی منظوری سے 2020/21 میں پنجاب حکومت کو کمرشل مقاصد کے لئے دی گئی ،منصوبہ میں سول ایویشن اتھارٹی 76 ایکڑ اور پنجاب سینٹرل بزنس ڈسٹرکٹ ڈویلپمنٹ اتھارٹی 70ایکڑ کی حصہ دار ہے،وفاقی حکومت نے سول ایویشن آرڈیننس 1960 کے تحت والٹن ائیروڈروم کے اس پاس آبادی کو خطرے کے پیش نظر والٹن زمین کو ایک معاہدہ کے تحت پنجاب حکومت کے حوالے کرنے کے احکامات دیے ،سول ایویشن اتھارٹی سول ایویشن آرڈیننس 1982 کے تحت وفاقی حکومت کے احکامات کو ماننے کی پابند ہے،پنجاب گورنمنٹ سینٹرل بزنس ڈسٹرکٹ منصوبہ میں سی اے اے کے 52 فیصد شئیرز ہیں جس سے ادارے کو اربوں روپے کی آمدن ہوگی،سول ایویشن نے پہلے 342۔2 بلین روپے سے 480 ایکڑ اور پھر 396 ملین روپے سے مریدکے میں مزید 163 ایکڑ اراضی حاصل کی،سول ایویشن پہلے ہی 643 ایکڑ پر محیط نیو والٹن مریدکے ائیروڈوم پر کام جاری رکھے ہوئے ہے جو تکمیل کے آخری مراحل میں ہے،والٹن ائیروڈروم کے جنرل ایویٹرز کو ان کی مرضی کے مطابق علامہ اقبال انٹرنیشنل ائرپورٹ پر جگہ دی گئی ،تقریبا سب ہی جنرل ایویٹرز نے لاہور ہائیکورٹ کو انڈر ٹیکنگ دی کہ نیو والٹن مریدکے ایروڈروم مکمل ہوتے ہی وہ وہاں منتقل ہوجائیں گے،یہ جنرل ایویٹرز نیو والٹن ائیروڈروم منتقل ہونے کے بعد ایک سال تک کرایہ کے بغیر سہولیات کا استعمال کرسکیں گے،نیو والٹن مریدکے ائیروڈروم میں جنرل ایویٹرز کو سٹیٹ آف دی ارٹ سہولیات میسر ہوں گی،سول ایویشن میں موجودہ لیڈرشپ کرپشن کے حوالے سے زیرو ٹالرینس رکھتی ہے ،ادارے میں کرپٹ عناصر چاہے وہ کوئی بھی ہوں احتساب سے نہیں بچ سکتے
ڈی جی سول ایویشن پر خط میں الزامات لگانے والا ملازم زرین گل خود ضمانت پر
ڈی جی سول ایویشن پر خط میں من گھڑت الزامات لگانے والا ملازم زرین گل خود ضمانت پر ہے اور ادارے نے اسے ‘ایل پی ار’ پر بھیج دیا ہے،زرین گل سال 2000 میں 54 لاکھ روپے کی خورد برد میں ملوث پایا گیا۔ یہ رقم نچلے درجے کے ملازمین کی فلاح و بہبود کے لئے تھی۔اس وقت کی انتظامیہ نے رقم کا کچھ حصہ واپس لیا اور اس کو تنبیہ پر اکتفا کیا۔زرین گل نے غیر قانونی طور پر ادارے کی 6 سے 7 ایکڑ زمین کے لئے این او سی جاری کیا،غیر قانونی الاٹ کی گئی زمین کی مالیت 20 سے 25 ارب بنتی ہے۔ سپریم کورٹ نے ادارہ کی درخواست پر جعلی الاٹمنٹ منسوخ کی اور ایف آئی اے کو تفتیش کا پابند کیا،20 نومبر 2021 کو زرین گل کیخلاف ایف آئی آر نمبر 55/2021 درج ہوئی جس کے بعد ضمانت پر ہے،زرین گل تین پیٹرول پمپس کی غیر قانونی الاٹمنٹ میں بھی ملوث ہے،پٹرول پمپس کے حوالے سے ایف آئی اے کی تحقیقات آخری مراحل میں ہیں۔ادارے نے غیر قانونی سرگرمیوں میں ملوث ہونے پر زرین گل کو ملازمت میں تنزلی کی سزا بھی دی،زرین گل کیخلاف کچھ اور بھی محکمانہ انضباطی کاروائیاں جاری ہیں،زرین گل اپنے اپ کوجس تنظیم کا چئیرمین ظاہر کرتآ ہے اس کی کوئی قانونی حیثیت نہیں
انٹرنیشنل سول ایوی ایشن آرگنائزیشن، سیکیورٹی آڈٹ ٹیم کا دورہ پاکستان مکمل
پاکستان کی قومی ایئر لائن پی آئی اے کو مجموعی طور پر 383 بلین کا خسارہ ہے
سپریم کورٹ نے پی آئی اے کو نئی 205 پروفیشنل بھرتیوں کی اجازت دیدی
ایئر انڈیا: کرو ممبرزکیلیے نئی گائیڈ لائن ’لپ اسٹک‘ ’ناخن پالش‘ خواتین کے لیے اہم ہدایات
جعلی پائلٹ لائسنس بحال کرنے کے لیے سول ایوی ایشن اتھارٹی کو 15دن کا الٹی میٹم
دیو آنند پاکستان ایئرفورس کی تاریخ کے پہلے ہندو پائلٹ بن گئے
سینیٹر سلیم مانڈوی والا ڈی جی سول ایوی ایشن پر برہم ہو گئے،
وزیراعلیٰ بزدار والٹن ایئرپورٹ اورملحقہ علاقوں کے لئے ترقیاتی اتھارٹی کی سربراہی کریں گے
والٹن ائیرپورٹ کو تجارتی مرکز بنانے کیلئے درخت اور نرسریاں کاٹنے کیخلاف درخواست پر ہوئی سماعت
لاہور کا تاریخی والٹن ایئرپورٹ بند ، طلبا سراپا احتجاج
والٹن ایئر پورٹ پر فلائنگ آپریشن بارے لاہور ہائیکورٹ نے حکم دے دیا
واضح رہے کہ والٹن ائیرپورٹ کی زمین کی فروخت میں سیکنڑوں ارب کے فراڈ کا انکشاف ،،ایئرکرافٹ اونر اینڈ آپریٹرز ایسوسی ایشن کا دعوی ہے کہ پاکستان ایئرکرافٹ اونر اینڈ آپریٹرز ایسوسی ایشن نے وزیر ہوابازی کو خط میں نشاندہی کردی ، ڈی جی سول ایوی ایشن اور حکومتی نمائندوں نے لینڈ مافیا کیساتھ ملکر والٹن ائیرپورٹ کی زمین میں تین سو ارب سے زیادہ غبن کیا۔ایئرکرافٹ اونر اینڈ آپریٹرز ایسوسی ایشن کا کہناہےکہ 350 ارب روپے کی والٹن ائیرپورٹ کی زمین 50 ارب میں بیچ دی گئی والٹن ائیرپورٹ کو قیمتی زمین کی جگہ مریدکے میں دیہی زمین دے دی گئی، لینڈ مافیا نے 50 ارب میں سے بھی صرف 1 ارب اب تک سول ایوی ایشن اتھارٹی کو ادا کیے ۔یاد رہے کہ حکومت نے والٹن ائیرپورٹ کی زمین سنٹرل بزنس ڈسٹرکٹ اتھارٹی کو فروخت کی تھی ،ایئرکرافٹ اونر اینڈ آپریٹرز ایسوسی ایشن نے وزیر ہوابازی سے معاملے کی جامع تحقیقات کا مطالبہ کردیا۔
