وزیر اعلیٰ گلگت بلتستان اپنی چار سالہ ناکامیوں کو چھپانے کی کوشش کررہے ہیں ، سعدیہ دانش

وزیر اعلیٰ گلگت بلتستان اپنی چار سالہ ناکامیوں کو چھپانے کی کوشش کررہے ہیں ، سعدیہ دانش

گلگت ۔ 22جولائی (اے پی پی)پیپلز پارٹی گلگت بلتستان کی صوبائی سیکرٹری اطلاعات سعدیہ دانش نے کہا کہ وزیر اعلیٰ اپنی چار سالہ ناکامیوں کو چھپانے کی کوشش کررہے ہیں اور اختیارات کا تجاوز کررہے ہیں ، وزیر اعلی گلگت بلتستان نے چار اضلاع کا نوٹیفکیشن کردیا جبکہ اگلے روزہی آرڈر کی ترمیم کے لئے سمری وفاقی حکومت کو بھیج دی ۔ وزیر اعلی گلگت بلتستان اضلاع پر سیاست کر رہے ہیں ، اگر وہ اضلاع کے حوالے سے اتنے مخلص تھے تو اس وقت نوٹیفکیشن کرتے جب ن لیگ کی حکومت وفاق میں براجمان تھی مگر انہوں نے سیاسی چال چلنے کی کوشش کی جس میں وہ ناکام رہے ۔ انہوں نے کہا کہ گلگت بلتستان حکومت کی جانب سے آسامیوں کی تخلیق اور سکیل اپ گریڈیشن کے لئے جو فیصلے ہوئے تھے جس کو وفاقی حکومت نے سختی سے مسترد کردیا، گلگت بلتستان حکومت کو یہ فیصلے اس وقت کرنا چاہیے تھا جب وفاق میں ان کی مضبوط حکومت تھی مگر بد قسمتی سے اس وقت حفیظ الرحمٰن نے حکومت کو بطور کنسٹرکشن کمپنی کے طور پر چلایا اور انہوں نے اس طرح کے فیصلے لینے کے بجائے ٹھکیوں میں خردبرد ْ کرنے کو اہمیت دی ۔ پیپلز پارٹی گلگت بلتستان کی صوبائی سیکرٹری اطلاعات سعدیہ دانش نے کہا کہ ہم نے اپنے دور میں ادارے قائم کئے، بہت سی نئی آسامیاں پیدا کیں ، محکمہ واٹر اینڈ پاور اور بی اینڈ آر کے ہزاروں ملازمین کو مستقل کردیا جبکہ وفاق سے بھی سینکڑوں خالی آسامیوں کی تخلیق کرادی ۔