کراچی:عامر لیاقت کی جائیداد کا مالک کون ہوگا:نیا تنازعہ شروع ہوگیا ،اطلاعات کے مطابق کراچی میں وفات پانے والے اہم سیاسی رہنما اوراینکرڈاکٹرعامرلیاقت حسین کی جائیداد اب وجہ تنازعہ بنتی ہوئی نظرآرہی ہے ،پولیس اس ساری صورت حال سے آگاہ ہے اور حکام اس معاملے کواحسن انداز سے حل کرنا چاہتےہیں ، جائیداد کا وارث کون ہوگا ، اس سلسلے میں ڈاکٹرعامرلیاقت کی اولاد بھی دعویدار ہے اور پھرآخری بیوی دانیہ شاہ بھی کہتی ہیں کہ اس کے اپنے خاوند سے ناراضگی ضرورتھی لیکن دونوں کے درمیان علیحدگی نہیں ہوئی تھی اس لیے وہ بھی حق دار ہے
عامر لیاقت کی موت کے ذمہ داروں کیخلاف مقدمہ کیلئے شہری تھانے پہنچ گیا
پولیس نے رکن قومی اسمبلی ڈاکٹر عامر لیاقت کا گھر تفتیش مکمل ہونے تک سیل رکھنے کا فیصلہ کرلیا اور کہا گھر عامر لیاقت کے اصل وارث کے حوالے کرینگے۔ تفصیلات کے مطابق رکن قومی اسمبلی ڈاکٹر عامرلیاقت حسین کا گھر سیل کرنے کے معاملے پر پولیس حکام نے کہا ہے کہ پولیس تفتیش مکمل ہونے تک گھرسیل رہیگا، کرائم سین کی فارنزک رپورٹ کاانتظارہے ، فائنل رپورٹ آنے کے بعدہی گھر کھولا جائے گا۔
ایک آواز پہ ساتھ دینے والا عامر لیاقت چلا گیا: دعا ملک
حکام نے بتایا کہ ہمارے پاس اب تک گھر یا جائیداد کا دعویدار نہیں آیا، گھر عامر لیاقت کے اصل وارث کے حوالے کریں گے۔پولیس کا کہنا تھا کہ نادرا سے مرحوم ڈاکٹر عامر لیاقت کا مکمل ڈیٹا حاصل کر لیا گیا ہے ، اب تک اصل وارثوں میں بیٹا احمد اور بیٹی دعا سامنے آئی ہے۔حکام نے کہا کہ نادرا ریکارڈ میں پہلی بیوی بشریٰ کا طلاق نامہ اور دوسری بیوی طوبی کا طلاق نامہ ریکارڈ پر ہے جبکہ تیسری بیوی دانیہ کا طلاق نامہ رجسٹرڈ نہیں
