یہ ہماری کار ہے، یہ ہم ہیں اور یہ ہماری پارٹی ہو رہی پر فنکاروں کی مزاحیہ ویڈیوز

0
41

چند روز قبل سوشل میڈیا پر ایک ویڈیو وائرل ہوئی تھی جس میں لڑکی منفرد انداز میں اردو بولتے ہوئے اپنا تعارف کچھ اس طرح کرواتی ہے’یہ ہماری کار ہے، یہ ہم ہیں اور یہ ہماری پاوری ہوری (پارٹی ہورہی) ہے۔

باغی ٹی وی : لڑکی کی یہ ویڈیو سوشل میڈیا پر وائرل ہوگئی اور لوگوں نے لڑکی کے بناوٹی انداز پر طنز کرتے ہوئے خود بھی اسی طرح کی ویڈیوز بنا بناکر شیئر کرنا شروع کردیں یہاں تک کہ شوبز فنکاروں نے بھی اس پر مزاحیہ ویڈیو بنا کر شیئر کی ہیں۔

صبا قمر نے ویڈیو شیئر کرتے ہوئے کہا یہ میں ہوں یہ میری فرینڈ ہے اور ہم ٹی وی دیکھ رہے ہیں-

گلوکار فلک شبیر نے بھی سارہ خان کے ساتھ ویڈیو شیئر کی ’یہ میں ہوں یہ سارہ ہے اور یہ ہمارا پھول ہے اور ہماری پارٹی نہیں ہوری۔‘

اداکار اعجاز اسلم نے اس ویڈیو پر دو مزاحیہ ویڈیوز بنائی ہیں جن میں سے ایک میں وہ بولتے ہوئے نظر آرہے ہیں، یہ میں ہوں، یہ عمر ہے اور یہ کووں کی پارٹی ہورہی ہے۔ دوسری ویڈیو اعجاز اسلم نے ڈراما ’نند‘کے سیٹ پر بنائی۔

ویڈیو میں اعجاز اسلم ڈرامے میں نند کا کردار اداکرنے والی جویریہ پر طنز کرتے ہوئے کہتے ہیں یہ میں ہوں یہ نند ڈرامے کی ٹیم ہے اور یہ نند ہے جو کبھی نہیں سدھرے گی۔

علی ظفر نے بھی اس پر ایک مزاحیہ ویڈیو شیئر کی ہے ’یہ میرا بیٹ ہے، یہ پچ ہے اور یہ میرا چھکا ہے-،

نہ صرف پاکستانی فنکاروں نے مزاحیہ ویڈیوز بنائیں بلکہ گزشتہ روز بھارتی ڈرامہ سیریل ‘ساتھ نبھانا ساتھیا’ کے ڈائیلاگ ‘رسوڑے میں کون تھا’ پر گانا بنا نے والے اور بھارت سے تعلق رکھنے والے یوٹیوبر یشراج مکھاٹے نے اس پر گانا تیار کر لیا ہے جسے سوشل میڈیا پر خوب پسند کیا جا رہا ہے۔

پاکستانی لڑکی کی دلچسپ ویڈیو پر بھارتی یوٹیوبر نے گانا تیار کر لیا

Leave a reply