پاکستان میں زلزلہ پروف 5 مرلے کا گھر صرف 40 دن میں تیار ہو گا ، خالد منصور کا دعویٰ

اسلام آباد: پاکستان میں پری فیبریکیٹڈ گھر بنانے کا منصوبہ شروع ہو گیا ہے جس کے تحت 5 مرلے کا گھر صرف 40 دن میں تیار ہو جائے گا-

باغی ٹی وی : وزیراعظم عمران خان کے معاون خصوصی برائے سی پیک خالد منصور نے اپنی پہلی پریس کانفرنس میں کہا کہ پاکستان میں پری فیبریکیٹڈ گھر بنانے کا منصوبہ شروع ہو گیا ہے جس کے تحت 5 مرلے کا گھر صرف 40 دن میں تیار ہو جائے گا جب کہ لاگت بھی انتہائی کم ہو گی۔

طالبان کے لیے اہم ہےکہ دنیا کے ساتھ تعلقات استوار کریں نائب وزیراعظم قطر

انہوں نے بتایا کہ ایک چینی کمپنی نے فیصل آباد میں دو کروڑ ڈالرز کی سرمایہ کاری کرکے پری فیبریکیٹڈ گھر بنانے کا منصوبہ شروع کیا ہے جس کے تحت چالیس دن میں پانچ مرلے کا گھر تیار ہو جائے گا جس کی قیمت چالیس لاکھ روپے ہوگی۔

خالد منصور کے مطابق پری فیبریکیٹڈ گھر دیگر گھروں کے مقابلے میں نہ صرف سستا ہو گا، جلد تیار ہوگا بلکہ زلزلے سے بھی محفوظ ہو گا۔ انہوں نے دعویٰ کیا کہ پری فیبریکیٹڈ گھروں پر سردی و گرمی کے اثرات بھی کم ہوں گے۔

پاکستان کے برطانوی ریڈ لسٹ سے باہر نکلنے کے امکانات

وزیراعظم کے معاون خصوصی برائے سی پیک نے بتایا کہ چینی کمپنیوں نے پاکستان میں موبائل فونز بنانے کا کارخانہ بھی لگایاایل ای ڈی لائٹس بنانے کی اسمبلی لگائی ہے جس پر 30 ملین ڈالرز کی سرمایہ کاری ہوئی ہے جب کہ فلور ٹائلز، کپڑے دھونے والا محلول اور زرعی مصنوعات کے علاوہ بین الاقوامی برانڈ کے کپڑے اور مصنوعات تیار کرنے والی بڑی فیکٹری بھی لگائی گئی ہے۔

پریس کانفرنس سے خطاب کرتے ہوئے خالد منصور نے کہا کہ ان چینی کمپنیوں کی وزیراعظم عمران خان سے بھی ملاقات ہوئی ہے جس میں انہوں نے حکومتی کاوش کو بھی سراہا ہے۔

ان کا کہنا تھا کہ ان تمام کمپنیوں نے پاکستان میں 845 ملین امریکی ڈالرز کی سرمایہ کاری کی ہے جو مزید بڑھے گی۔

عورتوں کا لباس پہن کر طالبان کے خلاف احتجاج کرنے والے شہری پکڑے گئے پھر کیا ہوا؟ جانیں