برطانیہ میں کشمیر آزادی مارچ، گاندھی کے مجسمے کو کشمیر کا پرچم تھما دیا گیا

لندن: کشمیر بنے گا پاکستان ، ان نعروں سے برطانیہ کی فضائیں گونج اٹھی ، اطلاعات کے مطابق برطانوی پارلیمنٹ سے بھارتی ہائی کمیشن تک کشمیر آزادی مارچ کیا گیا، احتجاجی مظاہرین کے شرکا نے ماہتما گاندھی کے مجسمے کو کشمیری پرچم تھما دیا۔غیرملکی خبررساں ادارے کے مطابق لندن میں کشمیری آزادی مارچ کے شرکا نے بھارتی ہائی کمیشن کے باہر احتجاج کیا اور ماہتما گاندھی کے مجسمے کو بھی کشمیری پرچم پکڑا دیا۔

لندن سے ذرائع کے مطابق شرکاء کی جانب سے بھارتی ہائی کمیشن کے دروازے پر انڈوں، ٹماٹروں کی بارش کی گئی، بھارتی ہائی کمیشن کے باہر دھویں کے گولے پھینکے گئے اور مشتعل مظاہرین نے بھارتی ہائی کمیشن کے شیشے توڑ دئیے۔بھارتی ہائی کمیشن کے باہر مظاہرین نے گھیرے میں لے کر نریندر مودی کے خلاف زبردست نعرے بازی کی

It’s insane. Thousands have reached outside Indian high commission for #kashmirfreedommarch and more pouring in from all sides. This protest is bigger than 15 August protest when 15K had protested in London at India house #Article370Scrapped pic.twitter.com/kWzd1H4UsK

— Murtaza Ali Shah (@MurtazaViews) September 3, 2019

ذرائع کے مطابق برطانیہ بھر کے کشمیری و مقامی کمیونٹیز کی کثیر تعداد مارچ میں شریک ہوئی، شرکا نے کشمیر میں مظالم کے خلاف بینرز، پوسٹرز اٹھا رکھے تھے۔لندن میں بھارتی ہائی کمیشن کے باہر مظاہرین نے گھیرے میں لے کر نریندر مودی کے خلاف زبردست نعرے بازی کی۔کشمیریوں کے جلوس کے روٹ پر ٹریفک مکمل جام ہوگیا، بعدازاں کشمیریوں کے مظاہرے کے دوران 15 ارکان پارلیمنٹ نے 10 ڈاؤننگ اسٹریٹ پر پٹیشن پیش کی۔

یاد رہے کہ مقبوضہ کشمیر میں بھارت کی جبری پابندیوں اور لاک ڈاؤن کو ایک ماہ گزر گیا ہے۔کشمیر میڈیا سروس کے مطابق مقبوضہ وادی میں ایک ماہ سے سب کچھ بند، مواصلاتی رابطے معطل ہیں جس کے باعث بیرونی دنیا سے رابطہ منقطع ہے۔وادی میں کھانے پینے کی اشیا اور دواؤں کی قلت میں اضافہ ہوگیا ہے، سخت ترین کرفیو اور تمام پابندیوں کے باوجود کشمیریوں کی مزاحمت جاری ہے۔