صلاح الدین کیس میں اہم پیش رفت

گزشتہ دنوں رحیم یار خان پولیس کے تشدد سے ہلاک ہونے والے صلاح الدین کیس کی جھوٹی تحقیقات کرنے والے
ایس پی انویسٹیگیشن حبیب خان کو عہدے سے ہٹا دیا گیا. صلاح الدین کے ورثا کے مطابق ایس پی انویسٹیگیشن حبیب خان نے اپنے پولیس والوں کو بچانے کی کوشش کی کے لیے جھوٹی تحقیقات کی ۔ جسے اب عہدے سے ہٹا دیا گیا ہے۔

صلاح الدین کو اے ٹی ایم مشین توڑنے کے الزام میں رحیم یار خان پولیس نے گرفتار کیا تھا ۔ تفتیش کے دوران پولیس کے بدترین تشدد سے صلاح الدین کی موت واقع ہو گئی جس سے سوشل میڈیا پر صلاح الدین کے حق میں بھرپور آواز بلند ہوئی ، الیکٹرانک میڈیا نے بھی خوب اس آواز کو اٹھایا اور صلاح الدین کے لواحقین کو انصاف دینے کا مطالبہ زور پکڑ گیا ۔

صلاح الدین گوجرانوالہ ضلع کی تحصیل کامونکی تھانہ واہنڈو سے ملحقہ گاؤں گورالی کا رہنے والا تھا ۔ صلاح الدین اک ذہنی معذور تھا ۔ میڈیا اور سوشل میڈیا کے ذریعے حکومت پنجاب پر شدید دباؤ ڈالا گیا جس کے نتیجہ میں وزیر اعلیٰ نے صلاح الدین کے اہلخانہ کو اپنے پاس بلایا اور ان کے مطالبات تسلیم کرنے کی یقین دہانی کروائی ۔ اسی کے پیش نظر صلاح الدین کی موت کی تفتیش کا آغاز کر دیا گیا