2019 معاشی استحکام اور 2020 ترقی کا سال، وزیراعظم پر عزم، ذمہ داری بھی بتا دی

2019 معاشی استحکام اور 2020 ترقی کا سال، وزیراعظم پر عزم، ذمہ داری بھی بتا دی

باغی ٹی وی کی رپورٹ کے مطابق وزیراعظم عمران خان نے کہا ہے کہ قانونی طریقہ، بینکنگ چینل یا پاکستان پوسٹ کے ذریعے رقوم پاکستان بھیجنے والے تارکین وطن کو مراعات دیں گے، میرٹ پر مبنی نظام ہی کامیاب ہوتا ہے، پی آئی اے سمیت دیگر اداروں میں بہتری لانے کیلئے پرعزم ہیں۔

ان خیالات کا اظہار انہوں نے منگل کو پاکستان پوسٹ کے ذریعے ترسیلات زر بھجوانے کی سکیم کی افتتاحی تقریب سے خطاب کرتے ہوئے کیا۔ وزیراعظم عمران خان نے کہا کہ بیرون ملک مقیم پاکستانی اپنی محنت کی کمائی پاکستان بھیجتے ہیں، ان کی جانب سے بھیجی گئی ترسیلات زر کا ہماری ملکی معیشت میں اہم کردار ہے، یہ تارکین وطن سال میں ایک، دو بار اپنے خاندانوں کو ملنے ملک واپس آتے ہیں ہمیں ان کی قدر کرنی چاہئے کیونکہ یہ ہمارا قیمتی ورثہ ہیں۔ تمام سفارتخانوں کو ہدایت کی ہے کہ بیرو ن ملک مقیم پاکستانیوں کے مسائل فوری حل کریں اور ان کا خیال رکھیں، بیرون ملک مقیم پاکستانیوں کیلئے آسانی پیدا کرنا ہماری ذمہ داری ہے، سمندر پار پاکستانیوں کے مسائل سے بخوبی آگاہ ہوں اور ان کی سہولت کیلئے ہر ممکن اقدامات کریں گے۔

وزیراعظم عمران خان نے کہا کہ نیا پاکستان یہ ہے کہ ہم نے لوگوں کی زندگی میں آسانی لانا ہے اور یہ ہماری ذمہ داری بھی ہے، جمہوریت اور بادشاہت میں فرق ہے، جمہوریت میں حکومت عوام کی خدمت کرتی ہے اور بادشاہت میں عوام بادشاہ کی خدمت کرتے ہیں، انگریز دور میں بھی یہی سوچ تھی، ماضی میں ہمارے دفاتر میں انگریز دور کی اس ذہنیت کو تبدیل کرنے کی کوشش نہیں کی گئی، ہمیں اس سوچ کو تبدیل کرنا ہے، عوام کی خدمت ہمارا فرض ہے، ہسپتالوں، سکولوں میں عوام کو بہتر سہولیات کی فراہمی کیلئے ہر ممکن اقدامات کر رہے ہیں، عوامی خدمات کے مقام پر سوچ تبدیل کرنے کی ضرورت ہے۔

مریم نواز اور کیپٹن ر صفدر میں ہونے لگی ہے جلد جدائی،خبر سے کھلبلی مچ گئی

مریم نواز ایک بار پھر "امید” سے، کیپٹن ر صفدرخوشی سے نہال

وزیراعظم عمران خان نے مزید کہا کہ ہر ہفتہ وفاقی کابینہ کے اجلاس میں وزراءسے کہتا ہوں کہ وہ اپنی وزارت میں عوامی فلاح و بہبود سے متعلق کوئی ایک اقدام کریں، آئی جی پنجاب سے بھی کہا ہے کہ تھانوں میں عام شہریوں کی سہولت اور اعتماد سازی کیلئے موثر اقدامات کئے جائیں، جب عوام میں یہ یقین پیدا ہو جائے گا کہ حکومت خدمت پر یقین رکھتی ہے تو وہ ہمارے شراکت دار بنیں گے۔ ریاست مدینہ ایک دن میں نہیں بنی، اس کیلئے پہلے سوچ بدلی اور پھر مسلمان چند سالوں میں عظیم قوم بن گئے۔

میں ملنے گئی تو زرداری وہیل چیئر سے اٹھے، پولیس نے کہا دفعہ ہو جاؤ، آصفہ بھٹو

آصف زرداری کا طبی معائنہ، کونسی بیماری اور ڈاکٹر نے کیا تجویز کیاِ؟

آپ نے بحث مکمل کرنی ہے یا باہر جانا ہے؟ عدالت کے استفسار پر خواجہ سعد رفیق نے کیا کہا؟

وزیراعظم عمران خان کا مزید کہنا تھا کہ میرٹ پر مبنی نظام ہی کامیاب ہوتا ہے، جمہوریت میں میرٹ ہوتا ہے اور بادشاہت میں وراثت ہوتی ہے یہی وجہ ہے کہ جمہوریت نے بادشاہت کو شکست دی، مسلمان جمہوریت سے بادشاہت اور مغرب بادشاہت سے جمہوریت کی طرف بڑھا۔ چین میرٹ کی بنیاد پر ترقی کر رہا ہے، ہم بھی اسی طرز کا میرٹ کا نظام لانے کیلئے ہر ممکن کوشش کریں گے، میرٹ پر اداروں کو ٹھیک کریں گے، قابل لوگوں کو اوپر لائیں گے۔ پی آئی اے سمیت دیگر اداروں میں بہتری لانے کیلئے پرعزم ہیں، گذشتہ سال مشکل سال تھا، معیشت کے حوالہ سے کئی چیلنجز درپیش تھے جن میں درآمدات میں اضافہ اور برآمدات میں کمی شامل تھی، 2019ءمیں معاشی استحکام کیلئے کوششیں کیں، 2020ء میں پاکستان ترقی کرے گا، معیشت ترقی کرے گی، عوام کیلئے ملازمتوں کے مواقع پیدا ہوں گے، احساس پروگرام کے ذریعے غربت ختم کرنے میں مدد ملے گی۔