پبلک اکاؤنٹس کمیٹی (پی اے سی) نے پاکستان تحریک انصاف کے دور حکومت میں 628 افراد کو 3 ارب ڈالر بلا سود قرض دینے کا معاملہ بغیر کسی کارروائی کے نمٹا دیا ہے جبکہ چیئرمین نورعالم خان کی زیر صدارت پارلیمنٹ کی پبلک اکاونٹس کمیٹی کا اجلاس ہوا، جس میں وزارت خزانہ اور اسٹیٹ بینک کے حکام نے بھی شرکت کی۔
وزارت خزانہ اوراسٹیٹ بینک کی درخواست پر اجلاس ان کیمرہ کر دیا گیا، اور کورونا کے دوران 2020 میں با اثر 620 صنعتکاروں اور بزنس مینوں کو دیئے گئے قرضوں پر بریفنگ دی گئی۔ ذرائع کے مطابق حکام نے قرضہ دینے والے بینکوں اور قرضہ لینے والے افراد کے نام فراہم نہیں کیے، اور صرف کمپنیوں کے نام ظاہر کیے۔ چیئرمین پی اے سی نے معاملہ نیب اور ایف آئی اے کے سپرد کرنے کی تجویز دی، تاہم دیگر ارکان نے اس کی مخالفت کی، اور مؤقف اختیار کیا کہ معاملہ نیب اور ایف آئی اے کے حوالے کرنے سے صنعتی شعبے پر منفی اثر پڑے گا۔
مزید یہ بھی پڑھیں؛
سعودی عرب نے اسٹیٹ آف پاکستان میں 2 ارب ڈالر ڈپازٹ کردیئے،اسحاق ڈار
سرکاری ملازمین کا دوسرے روز بھی مطالبات کی منظوری کے لئے احتجاج
پیپلز پارٹی کی حکومت نے شہر میں امن و امان بحال کیا،وزیراعلیٰ سندھ
چیئرمین پی ٹی آئی جیسا ڈکٹیٹر ملکی تاریخ میں پیدا نہیں ہوا، شرجیل میمن
موسم گرما میں حاملہ خواتین کے لئے قدرتی مشروبات
سویڈن میں اسلام دشمن سرگرمی پر جنرل ہسپتال میں ہیلتھ پروفیشنلز کی احتجاجی ریلی
کویت کا سویڈش زبان میں قرآن کریم کے ایک لاکھ نسخے شائع کرنے کا اعلان
ارکان کی مخالفت کے بعد کمیٹی نے 628 افرد کے بلاسود قرض کے معاملے کو نمٹا دیا تاہم واضح رہے کہ کورونا کے دوران ٹرف اسکیم کے تحت بھاری قرضے جاری کیئے گئے تھے، کمرشل بینکوں نےعارضی اکنامک ری فنانس فیسیلٹی کے تحت قرضے دیئے، جب کہ پی اے سی نے قرضوں سے فائدہ اٹھانے والےافراد کی مکمل فہرست طلب کی تھی۔
