سانحہ تیز گام ،وزیراعظم عمران خان نے انکوائری کا حکم دے دیا
باغی ٹی وی کی رپورٹ کے مطابق وفاقی وزیر ریلوے شیخ رشید احمد نے سانحہ تیز گام میں 64 افراد کے جاں بحق ہونے کی تصدیق کردی، تیز گام میں آگ لگنے سے 33افراد زخمی ہوئے ہیں ،تبلیغی جماعت کے ارکان کے ناشتہ بنانے کے دوران سلنڈر پھٹنےسے آگ لگی .
ٹرین حادثہ، 38 لاشیں اب تک نکال چکے، ریسکیو ہیڈ
تیز گام آتشزدگی ،پاک فوج کے جوان بھی مدد کو پہنچ گئے
ٹرین حادثہ، تین بوگیوں میں کتنے مسافر سوارتھے؟ بکنگ کس نے کروائی؟ اہم خبر
وزیراعظم عمران خان نے واقعہ پر تحقیقات کا حکم دیا ہے اور کہا ہے کہ فوری طور پر تحقیقات کر کے رپورٹ دی جائے، وزیراعظم عمران خان نے پنجاب کے علاقہ رحیم یار خان کے قریب تیز گام ایکسپریس میں آتشزدگی کے افسوسناک واقعے پر گہرے دکھ اور افسوس کا اظہار کیا ہے، وزیراعظم عمران خان نے غم زدہ خاندانوں سے اظہار تعزیت کرتے ہوئے زخمیوں کو بہترین طبی امداد دینے کی ہدایت کر دی۔
وزیراعظم کی ٹرین حادثہ کے زخمیوں کو بہترین طبی امداد دینے کی ہدایت
ٹرین حادثہ، شیخ رشید نے کیا امداد کا اعلان
واضح رہے کہ رحیم یار خان میں افسوسناک واقعہ پیش آیا ،ٹرین کی بوگیوں میںآتشزدگی سے 65 مسافر جاں بحق ہو گئے ،تیزگام ایکسپریس میں آگ بہاولپوراور رحیم یا ر خان کےدرمیان چنی گوٹھ کےمقام پر لگی ،زخمیوں کوٹی ایچ کیولیاقت پور اوربہاولپورمنتقل کردیا گیا،تیز گام کراچی سےبراستہ لاہور راولپنڈی جار ہی تھی ،
ایم ایس کے مطابق 26 لاشوں مٰں سے 18 لاشیں ناقابل شناخت ہیں.
پاکستان ریلوےحکام کے مطابق مسافر ٹرین میں آگ لگنے کے افسوسناک حادثے کے بعد ضلع بھر کے ہسپتالوں میں ایمرجنسی نافذ کر دی گئی۔ ریسکیو 1122، پولیس، فائر برگیڈ، سمیت دیگر امدادی ٹیموں نے موقع پر پہنچ کر ریسکیو آپریشن شروع کر دیا جب کہ حادثے میں متاثرہ زخمیوں کو ٹی ایچ کیو لیاقت پور، آر ایچ سی چنی گوٹھ اور بہاولپور وکٹوریہ ہسپتال منتقل کیا جا رہا ہے۔
