کرونا وائرس، تبلیغی جماعت بارے من گھڑت خبریں نشر کرنے پر 20 میڈیا اداروں کو ملا 10 کروڑکا ہتک عزت کا نوٹس
باغی ٹی وی کی رپورٹ کے مطابق کرونا وائرس کو لے کے تبلیغی جماعت کے بارے میں من گھڑت خبریں شائع اور نشر کرنے پر 20 سے زائد میڈیا اداروں کو قانونی نوٹس بھجوا دیا گیا ہے
بھارت میں مسلم پرسنل بورڈ کے رکن، سابق ترجمان اور مشہور عالم دین مولانا خلیل الرحمان سجاد نعمانی نے تبلیغی جماعت کے بارے میں بھارتی میڈیا کے گمراہ کن اور من گھڑت خبریں چلانے کے دوران ان کی تصویروں کے غلط استعمال پربھارتی میڈیا کے 20 سے زائد میڈیا اداروں کو ہتک عزت کا قانونی نوٹس بھجوایا ہے
مولانا خلیل الرحمان سجاد نعمانی کے وکیل ایس ایس سید کی جانب سے میڈیا کے اداروں کو جاری نوٹس میں غیر مشروط طور پر معافی مانگنے کا مطالبہ کیا گیا ہے اور کہا گیا ہے کہ اگر معافی نہ مانگی گئی تو بھارت کی تعزیرات ہند کی دفعہ 449 اور 500 کے تحت 10 کروڑ روپے ہتک عزت کے ہرجانے کا دعویٰ کیا جائے گا، من گھڑت خبریں چلانے کے دوران انکی تصویر چلانے سے انکی عزت و شہرت کو نقصان پہنچا ہے، میڈیا کو پہلے حقائق کا پتہ کرنا چاہئے تھا اس کے بعد خبریں چلانی چاہئے تھی نہ صرف غلط خبریں چلائی گئیں بلکہ کسی اور کا نام لے کر تصویریں میری چلائی جاتی رہیں
مولانا خلیل الرحمان سجاد نعمانی کے وکیل نے زی میڈیا گروپ، آؤٹ لک ہندی، امر اجالا، آئی این خبر، این ایم ایف نیوز، ٹی وی 9 تیلگو، گجرات متر، راجستھان پتریکا، سرکار ڈیلی ، دینک جاگرن، تہلکہ اتراکھنڈ اور دیگر میڈیا اداروں کو نوٹس بھجوایا ہے،
جاری نوٹس میں مزید کہا گیا ہے کہ مولانا خلیل الرحمان سجاد نعمانی کا تعلق ایک باوقار علمی خاندان سے ہے اور وہ گزشتہ پندرہ برسوں سے بھارت میں قیام امن اور قومی یکجہتی کے فروغ میں نمایاں کردار ادا کر رہے ہیں۔ وہ کئی اداروں کے سربراہ اور لکھنؤ سے نکلنے والے الفرقان کے ایڈیٹر بھی ہیں۔
واضح رہے کہ گزشتہ دنوں 31مارچ سے 4 اپریل کے دوران بھارت کے ٹی وی چینلز اور اخبارات نے نظام الدین تبلیغی مرکز کے حوالہ سے پروپیگنڈہ کیا اور تبلیغی مرکز کے انچارج مولانا سعد کی تصویر کی جگہ مولانا خلیل الرحمان سجاد کی تصویر کاغلط استعمال کیا تھا
تبلیغی جماعت میں شامل چینی باشندے میں کرونا کی تشخیص،مسجد کو سیل کر دیا گیا
تبلیغی اجتماع لاہور سے واپس جانیوالے شخص میں کرونا وائرس کی تشخیص
تبلیغی جماعت کے ساتھ آنے والے غیر ملکی میں کرونا کی تشخیص، اسلام آباد میں مسجد سیل
تبلیغی جماعت کے ملک بھر میں کتنے اراکین قرنطینہ مراکز میں؟ 2 کی ہوئی کرونا سے موت
تبلیغی جماعت کے اراکین بارے غلط خبر دینے پرپولیس کی کاروائی، ایک صحافی، ایک ڈاکٹر گرفتار
کرونا وائرس، ہسپتالوں پر تنقید کرنا اپوزیشن کے رکن اسمبلی کو مہنگا پڑ گیا،حکومت نے بھجوایا جیل
کرونا وائرس،تبلیغی جماعت پر تنقید،پانچ ٹی وی اینکرز کے خلاف بھی مقدمہ درج
ٹیسٹ نہ کروانے والے تبلیغی جماعت کے اراکین کو گولی مارنے کا رکن اسمبلی نے کیا مطالبہ
تبلیغی جماعت کے ملک بھر میں کتنے اراکین قرنطینہ مراکز میں؟ 2 کی ہوئی کرونا سے موت
کرونا وائرس، تبلیغی جماعت سے تعلق رکھنے والے ایک اور شخص کی ہوئی موت
مولانا نعمانی کا کہنا ہے کہ بھارتی میڈیا کس قدرغیر ذمہ دار ہوچکا ہے وہ یہ بھی نہیں دیکھتا کہ نام کس کا ہے اور فوٹو کس کا ہے۔ کرونا وائرس کے بہانے تبلیغی مرکز کو نشانہ بناکر پورے مسلمانوں کو نشانہ بنانے کی کوشش کی جارہی ہے جو کہ قابل مذمت ہے۔ بھارتی میڈیا اس قدر گرچکا ہے کہ وہ موذی مرض کرونا کو بھی ہندو مسلم کا نام دینے میں لگ گیا ہے اور اسے بہانہ بنا کر تبلیغی مرکز کے خلاف مہم شروع کردی ہے.
