بھارتی فلم انڈسٹری کے لیجنڈری اور معروف اداکار امیتابھ بچن نے عالمی وبا کورونا وائرس کو شکست دے دی-
باغی ٹی وی : سماجی رابطے کی ویب سائٹ ٹویٹر پر بالی وڈشہنشاہ امیتابھ بچن کے بیٹے ابھیشیک بچن نے والد کے صحتیاب ہونے کی خبر مداحوں کو دی اور دعائیہ پیغامات اور نیک تمناؤں کے لئے سب کا شکریہ ادا کیا-
🙏🏽 my father, thankfully, has tested negative on his latest Covid-19 test and has been discharged from the hospital. He will now be at home and rest. Thank you all for all your prayers and wishes for him. 🙏🏽
— Abhishek 𝐁𝐚𝐜𝐡𝐜𝐡𝐚𝐧 (@juniorbachchan) August 2, 2020
ابھیشیک نے اپنے ٹویٹ میں لکھا کہ شُکر ہے میرے والد کا کوویڈ 19 کا حالیہ ٹیسٹ نیگیٹیو آیا ہے انہیں ہسپتال سے ڈسچارج کر دیا گیاہے اب وہ گھر پر آرام کریں گے-
ابھیشیک بچن نے دعاؤں اور جیک تمناؤں کے لئے مداحوں کا شکریہ ادا کرتے ہوئے لکھا کہ اس مُشکل وقت میں آپ سب کی دعاؤں اور نیک تمناؤں کے لیئے آپ سب کا شکریہ-
واضح رہے کہ رواں ماہ 11 جولائی کو امیتابھ بچن نے سماجی رابطے کی ویب سائٹ ٹوئٹر پر اپنے کورونا مثبت آنے سے متعلق آگاہ کیاتھا اُنہوں نے بتایا تھا کہ اُن کا کورونا ٹیسٹ مثبت آگیا ہے اور اُنہیں اسپتال منتقل کردیا گیا ہے جبکہ اس حوالے سے متعلقہ حکام کو بھی آگاہ کردیا گیا ہے۔
دوسری جانب ابھیشیک بچن نے بھی اپنے ٹوئٹر پیغام میں بتایا کہ اُن کا اور اُن کے والد امیتابھ بچن کا کورونا ٹیسٹ مثبت آگیا ہے۔ابھیشیک نے کہا تھا کہآج میرے والد اور مجھ میں کووٖ 19 کا ٹیسٹ مثبت آیا ہم دونوں میں معمولی علامات کے بعد ہسپتال میں داخل ہوئے میں سب سے درخواست کرتا ہوں کہ پرسکون رہیں اور پریشان مت ہوں انہوں نے کہا کہ وہ تمام افراد جو گزشتہ 10 دن کے دوران ان کے قریب رہے وہ تمام افراد بھی اپنے ٹیسٹ کرالیں-
بعد ازاں 12 جولائی کو ابھیشیک بچن نے ان کی اہلیہ ایشوریا رائے اور بیٹی آرادھیا میں بھی کورونا ٹیسٹ مثبت آنے کی تصدیق کی تھی جس کے بعد سے دوبنوں ماں بیٹی کو گھر مین آئسولیٹ کر دیا گیا تھا تاہم امیتابھ بچن کی اہلیہ جیا بچن کا ٹیسٹ منفی آیا تھا-
