چینی اور آٹے کی قیمتوں میں اضافہ،عدالت نے کیا حکومت سے جواب طلب

باغی ٹی وی کی رپورٹ کے مطابق لاہور ہاٸی کورٹ میں چینی اور آٹے کی قیمتوں میں اضافہ کیخلاف درخواستوں پر سماعت ہوئی

عدالت نے نوٹس جاری کرتے ہوٸے وفاقی اور صوباٸی حکومت سے جواب طلب کر لیا ،جسٹس ساجد محمود سیٹھی نے جوڈیشل ایکٹو ازم پینل کی درخواست پر سماعت کی

درخواست گزار نے کہا کہ آٹے اور چینی کی قیمتیں آسمان سے باتیں کر رہی ہیں، قیمتوں میں اصافے کی وجہ سےعام شہری شدید مشکلات کا شکار ہے ،حکومت نے آٹے اور چینی کی قیمتوں میں کمی کیلئے کیا اقدامات کیے ہیں،

پنجاب کے سینئر وزیر عبدالعلیم خان کا بڑا فیصلہ، پنجاب میں آٹے بحران کا خطرہ ٹل گیا

درخواست گزار نے عدالت سے استدعا کی کہ عدالت آٹے اور چینی کے بارے میں رپورٹس کو ریکارڈ کا حصہ بناٸے ، عدالت قیمتیں کنٹرول کرنے کے احکامات جاری کرے ،

واضح رہے کہ وزیراعظم عمران خان نے پنجاب میں آٹے کی قیمتوں میں اضافے کا نوٹس لیا تھا،وزیراعظم عمران خان نے پنجاب حکومت کو آٹے کی قیمتوں میں استحکام لانے کی ہدایت کی ہے،وزیراعظم عمران خان نے کہا ہے کہ آٹے کی قیمت کم کر کے پرانی قیمتوں پربحال کیا جائے،آٹے کے 20 کلو تھیلے کی قیمت میں 150روپے کمی کی جائے،پنجاب حکومت آٹے کی قیمت کنٹرول کرنے کیلئے ہنگامی اقدامات کرے،

وزیراعطم عمران خان کا مزید کہنا تھا کہ ذخیرہ اندوزوں کوپکڑیں یاسبسڈی دیں،غریب کوسستاآٹافراہم کریں،ہرحال میں آٹے کی قیمت پرانی سطح پربحال کی جائے،

آٹے کی قیمتوں میں اضافہ، وزیر اطلاعات نے سندھ حکومت کو ذمہ دار قرار دے دیا